Mateus 7:13 - Etestamende Epe Moludhimba

¹³ “Enden̯i mo, mu pitile potjivelo hitja thin̯a, mena lyokutya otjivelo otjinene, nondjila ndjaa handjuka mai twala mekeko, mbamava ende mo ovengi.

Mateus 7:13 Iomraidhean Croise

Mateus 23:13

“Utatyei, n̯e ovalongiveta nOvafarisai, valinomi n̯e! Ovantu mu ve yedhilila pondje yotjilongo tjeulu, iya n̯e ovene kaamu hiti mo, mu tjaela mboka mbamava hala okuhita mo.

Mateus 25:41

“Iya mai heele wo mboka owokokumbinda kwayo hai tyaa: ‘Dhen̯i po pwaame, n̯e ovathingwa, enden̯i momulilo waapehe mbwaa undapelwa omudiapoli novaengeli ve.

Mateus 25:46

Iya mboka mava i moluyuma lwaapehe, ovavyuuki mava i momwenyo waapehe.”

Mateus 3:2

ha tyaa: “Liteyululen̯i, mena lyokutya otjilongo tjeulu tje ya popedhi.”

Mateus 3:8

Iya undapen̯i ovipuka mbimavi yulike okutya mwe liteyulula.

Mateus 7:14

Iya otjivelo otjinunu nondjila ndjaa thin̯a mai twala momwenyo, ovanunu vala mbamave i mono.

Lukas 14:33

Iya auhe owomun̯e nguhama yetha ovipuka vye avihe mbyee na vyo, kaa ulu okukala omulongwa wandje.

Lukas 9:33

Ovalumentu hemba vavali hive liyapuka naJesus, Petrus wa heela Jesus ha tyaa: “Muhona, hempa pe tu thevelwa okukala. Ngatu tunge po omasase atatu, limo olyoye, limo olyaMoses nalimo olyaElia.” Iya Petrus kaa li ae tji i soka hima popi.

Johannes 10:9

Aame otjivelo. Kwalukele ngoka nguma i mo, ama pitile mwaame, ma ka hupithwa. Ye ma ka kala ame ya mo, ha piti mo, ye ha mono oulithilo.

Johannes 14:6

Jesus we mu heela ha tyaa: “Aame ondjila notjatjili nomwenyo. Kape na tja ngume ya kuTate, ahama pitile mwaame.

Ovilinga 3:19

Iya liteyululen̯i n̯e mu tjune kuKalunga, odhonkali dhen̯i dhi ithwe po,

Ovaroma 9:22

Iya Kalunga otjo a ninga nyahoka. Ye wa li ama hala okuhololola oluyuma lwe nokuyulika odhonkono dhe, iya we likambulithila unene ovantu mboka mbava thele okuyumanekwa nokuhan̯aunwa po,

2 Ovakorinto 4:4

Satana nguu li kalunga kouye hembu, wa pot̯ipaleka omalipulo ambahava itavelele, opo háva mono otjiten̯i tjondaka ombwa yetumbalo lyaKristus, nguu li otjithika tjaKalunga.

2 Ovakorinto 6:17

Iya Muhona ma tyaa: “Dhen̯i mo mokati kawo, n̯e mu liyapuke nawo. Hámu t̯in̯i otjipuka hitja sila, iya ame me ke mu tambula.

Ovagalati 5:24

Iya ovantu vaKristus Jesus va papela komutjaakano ovilinga vyawo avihe vyotjipando otjivi nehalo lyolutu.

Ovafilippi 3:19

Ovantu mboka ehulilo lyawo ekeko. Edhimo lyawo olyo li li kalunga kawo. Ohon̯i yawo kuwo etumbalo. Wo va soka vala ovipuka vyokombanda yohi.

1 Johannes 5:19

Tu tji i okutya nt̯e tuvaKalunga, nouye auhe owometumino lyomunauvi.

Eholololo 12:9

Iya etjithi enene lya yekelwahi, onyoka onkulu ndjii tiwa omudiapoli, ndjii li Satana, omutyolethi wovantu avehe mouye, wa yumbwa kombanda yohi, novaengeli ve va yumbwa kombanda yohi pamo naye.

Eholololo 13:8

Ovantu avehe mbava kala kombanda yohi, mave ke tji tumbaleka, avehe mboka mbahava sonekelwe omana awo membo lyomwenyo lyOndjona ndjaa dhipawa, okudha keuto lyouye.

Eholololo 20:15

Iya nguha monekele aa sonekwa membo lyomwenyo, wa yumbwa melunga lyomulilo.

Eholololo 20:3

We mu yumba menkomototo, ha yedhile po, ha twaa ko otjilimbo, opo há pukitha uke oviwan̯a, katee odhombula ndhoka eyovi madhi pu ko. Kon̯ima yodhombula ndhoka ma ka kutululwa okaluvedhe okanunu.