Mateus 6:5 - Etestamende Epe Moludhimba

⁵ “Iya amamu kumbu, hámu ngala ovalinomi, mena lyokutya amava kumbu, ve hole okukulama modhosinagoga nopomawaneneno odhondjila, opo va moneke kovantu. Otjatjili me mu heele okutya mboka va pewa ondjambi yawo.

Mateus 6:5 Iomraidhean Croise

Mateus 21:22

Ovipuka avihe mbimamu pula amamu kumbu neitavelo, mamu vi pewa.”

Mateus 23:13

“Utatyei, n̯e ovalongiveta nOvafarisai, valinomi n̯e! Ovantu mu ve yedhilila pondje yotjilongo tjeulu, iya n̯e ovene kaamu hiti mo, mu tjaela mboka mbamava hala okuhita mo.

Mateus 23:5

Ovilinga vyawo avihe ve vi undapa, opo va moneke kovantu. Iya oupapa wawo mumu na omatumbulo omOmbimbeli, ve u ninga ounene, nodhondjambwila dhomidhalo dhawo odhonde.

Mateus 23:6

Movipito ve hole pomalukalo ngaa tumbala nokovipundi vyokomeho modhosinagoga.

Mateus 6:1

“Lungamen̯i okutaletha ouvyuuki wen̯i nokulimoneketha movipathi vyovantu, mpe kaamu pewa ondjambi kwiIho owomeulu.

Mateus 6:16

“Iya amamu litjaele ovikulya, hámu tungu omukoto ngahi tji ninga ovalinomi, mena lyokutya wo va tinda movipala, ovantu opo va mone okutya wo ve litjaele ovikulya. Otjatjili me mu heele okutya wo va pewa ondjambi yawo.

Mateus 6:2

Iya amo yandja otjali kovathona, hó iyaula ngahi tji ninga ovalinomi modhosinagoga nomodhondjila, opo va tumbalekwe kovantu. Otjatjili me mu heele okutya mboka va pewa ondjambi yawo.

Mateus 9:38

Iya kumben̯i, omwene wovilya a tume ovaundapi keteyo lyovilya vye.”

Markus 11:25

Iya andaa mwa kulama amamu kumbu, amu na himwe liningi nomukwen̯i, liithilen̯i po, opo Iho owomeulu e mu ithile po wo odhonkali dhen̯i.”

Markus 12:38

Jesus hiaa li ama longo ovantu we ve heela ha tyaa: “Lungamenen̯i ovalongiveta mbave hole okudhala omidhalo omile, wo ve hole okupopithilwa pomalandethelo.

Lukas 11:43

“Utatyei, n̯e Ovafarisai, himu hole kovipundi vyokomeho modhosinagoga nokupopithilwa pomalandethelo.

Lukas 18:1

Iya Jesus wa heela ovalongwa ve eeli okutya ngava kumbe apehe, háva poyola.

Lukas 18:13

“Iya omuthendelethi wa kulama kokule, ye kaa li ama hala okuyela omeho keulu. We likambula pomutima ha tyaa: ‘Kalunga, nt̯ila ndje onkenda, ame ndjimulundhi.’

Lukas 20:47

Va nyeka ovahepe odhonganda dhawo, wo hava ningi omaalikano omale okulimoneketha vala. Ovantu mbave li nyahoka mava ka pewa onkali onene.”

Lukas 6:24

Utatyei n̯e ovahona, mena lyokutya etendeleko lyen̯i mwe li mona ae.

Johannes 16:24

Katee napano kamu na himuya kumba amamu tumbula ena lyandje, kumben̯i, mamu pewa, ehuluko lyen̯i opo li hwithilwe po.

Ovaefeso 6:18

Hehi tji ningen̯i nomaalikano nokukumba akuhe nokukumba apehe mOmbepo Ondhilikwa, iya kalen̯i amwa pathumuka noutakamethi auhe nokukumbila ovantu ovadhilikwa avehe.

1 Ovatessalonika 5:17

Kumben̯i, hámu petuka.

Jakob 4:6

Iya et̯ilonkenda Kalunga ndime tu pa enene unene, iya Omusonekwa mau tyaa: “Kalunga u yele ovalinomi, u t̯ila onkenda ovalinunupiki.”