Mateus 6:19 - Etestamende Epe Moludhimba

¹⁹ “Hámu liongedhele omamona okombanda yohi, hwaa yonwa komulelu nokotundu, hoka ovimpulu huvi teya, vyo havi vaka.

Mateus 6:19 Iomraidhean Croise

Mateus 19:21

Jesus we mu yaka ha tyaa: “Andaa mo hala okukala awe lihu po nawa, enda, u ka landethe po emona lyoye, u li yandje kovathona, iya ove u kale nemona meulu, tjau ove u ye, u ndandule.”

Mateus 6:20

Iya liongedhelen̯i omamona meulu, muhaa yonwa komulelu ne kotundu, novimpulu muhavi teya, vyo muhavi vaka.

Lukas 12:21

“Otjo matji ka ningilwa ngume liongedhele emona puye omwene, ye ahe na tja ouhona puKalunga.”

Lukas 12:33

Landethen̯i po omamona en̯i, n̯e mu e yandje kovathona. Litaendhelen̯i oundjato wodhombongo mbuhamau kulupa nemona meulu ndihali hulu, moka muhamu i ovimpulu, mo muhamu tukwa kotundu.

Lukas 12:39

Iya kalen̯i amu tji i okutya ngaile omwene wonganda u tji i okutya otjimpulu matji ya powola patji, ngai kaa yetha onganda ye i teywe.

Lukas 18:22

Jesus hiee tji tee, we mu heela ha tyaa: “Wa kambetha po otjipuka tjimo. Enda, u ka landethe po ovipuka vyoye avihe mbyuu na vyo, ove u vi yandje kovathona. Iya ove u kale nemona meulu, tjau ove u ye, u ndandule.”

Lukas 18:24

Jesus hiaa mono okutya omuhona u yuvite oudheu, we mu heela ha tyaa: “Oudheu vi kumbave na ouhona okuya motjilongo tjaKalunga!

1 Timoteus 6:17

Pukulula ovahona wokombanda yohi, háve linomo, wo háve liun̯ike movipuka vyouhona mbimavi hulu, iya ngave liun̯ike muKalunga nguu tu pa ovipuka avihe, nguha lwaapele.

Ovaheberi 13:5

Monkalamwenyo yen̯i hámu kala nolwiho nodhombongo, himu na tjo ngatji mu hule, mena lyokutya Kalunga ma tyaa: “Ame híme ku yetha nokanunu, híme ku thii po.”