Mateus 6:13 - Etestamende Epe Moludhimba

¹³ Hó tu twala momatyoletho, iya tu hupitha mouvi. [Mena lyokutya otjilongo otjoye, nodhonkono odhoye netumbalo olyoye apehe katee apehe. Amen.]’

Mateus 6:13 Iomraidhean Croise

Mateus 26:41

Pathumuken̯i, mu kumbe, hámu pwile momatyoletho. Ombepo yomuntu mai hala, iya olutu olunkundi.”

Mateus 28:20

n̯e mu ve longe okutakametha ovipuka avihe mbimbe mu longa. Iya taa tuutuu, ame ndji li pamo nan̯e omatango aehe katee pehulilo lyouye.”

Mateus 5:37

Odhondaka dhen̯i ngadhi tyee: ‘Iinga, iinga’ ne ‘Aai, aai.’ Ndhimadhi wedhwa ko, odhombi.

Mateus 6:10

Otjilongo tjoye ngatji ye. Ehalo lyoye ngali hulithwe kombanda yohi ngomeulu.

Johannes 17:15

Ame híme kumbu, okutya u ve ithe mo mouye, iya me kumbu u ve amene kouvi.

1 Ovakorinto 10:13

Omatyoletho ngamae mu vadha, koneken̯i okutya otjo a vadha wo ovantu avehe. Kalunga u tji i okuliun̯ikwa, kee mu yetha mu lolwe komatyoletho ngaa pon̯a odhonkono dhen̯i. Iya amwa lolwa, ye me mu pa odhonkono dhokudha mo, opo mu tjiiwa okulikambulithila.

1 Ovakorinto 14:16

Andaa mo yandja ompandu kuKalunga nombepo yoye, omukwen̯i nguhe na hiee i, ma tya vi “Amen” himo yandja ompandu? Ngunya ke ku yuvite himo popi.

2 Ovakorinto 1:20

Iya oye e li “Iinga” yomaudhiko aehe aKalunga. Iya amatu tumbaleke Kalunga, tu tumbula amatu tyaa: “Amen” mena lyaJesus Kristus.

Ovagalati 1:4

Jesus Kristus we liyandja mena lyodhonkali dhetu, opo e tu hupithe mo mouye hembu wanapano ouvi, e tu hupithe, Kalunga Tate ngahi ma hala.

1 Ovatessalonika 1:10

nahimu kevelela Omuna, a dhe meulu ngoka Kalunga ngwaa imuna kout̯e, oye e li Jesus ngume tu hupitha moluyuma lwaKalunga.

2 Ovatessalonika 3:3

Muhona omuliun̯ikwa me mu pameke, ye me mu amene kouvi.

1 Timoteus 1:17

Ohamba yaapehe, nguha t̯i, nguha moneka, Kalunga aika, nga tumbalekwe, ye nga hivilikwe, apehe katee apehe. Amen.

Ovaheberi 11:36

Vamo va tonwa, hava penywa, hava kutwa nomalyenge, hava yedhililwa mokaliwoso.

1 Petrus 5:8

Liyungen̯i, mu pathumuke. Ondjedhi yen̯i, omudiapoli, u mu kondoloka otjo ma popi ngonkeyama amai hala okukambula himai hala okulya.

2 Petrus 2:9

Iya Muhona u tji i hiaa thele okuhupitha ovavyuuki momaudheu. Mbahave thi ovavyuuki me ve takametha, he ve yumaneke katee metango lyekoyo.

1 Johannes 3:8

Nguma lundha owomudiapoli, mena lyokutya omudiapoli wa lundha okudha peutilo. Iya OmunwaKalunga we ya a han̯aune po ovilinga vyomudiapoli.

Eholololo 1:18

ngundji na omwenyo. Ame mba t̯ile, iya taa tuutuu, napano me kala nomwenyo apehe katee apehe. Iya ndji na odhosapi dhet̯o nodhomotjovat̯e.

Eholololo 19:1

Kon̯ima yovipuka hembi mba tyaa otjipuka himatji ngala ondaka onene yowingi wovantu meulu, hai tyaa: “Halleluya! Ehupitho netumbalo nodhonkono odhaKalunga ketu.

Eholololo 19:4

Ovipuka vine mbii na omwenyo novanene omilongo vivali navane va wila pohi hava tumbaleke Kalunga ngwaa kala pohi kotjipunditumino, hava tyaa: “Amen! Halleluya!”

Eholololo 2:10

Hó tila ovipuka mbimo tatethelwa. Taa tuutuu, omudiapoli ma ka yedhilila vamo owomun̯e mokaliwoso, mu lolwe, n̯e mu ka monethwe ovihuna omatango omulongo. Kala omuliun̯ikwa katee ket̯o. Ame me ke ku pa ohala yomwenyo.

Eholololo 21:4

Ma ka theta po omihodhi avihe pomeho awo. Kaaku ka kala uke et̯o ne omukoti ne otjililo ne oviihamo kaavi ka kala ko uke, mena lyokutya ovipuka vyolutenga vya hulu.”

Eholololo 3:10

Mena lyokutya wa takametha odhondaka dhandje nelikambulithilo, ame naame me ku kambula nawa owola yomaudheu ndjimai ya kombanda yohi okulola owokombandayohi.

Eholololo 3:14

“Sonekela omweengeli weongalo lyokoLaodikea, u tyee: “Nguu tiwa Amen, ombangi yatjatjili omuliun̯ikwa, ethina lyovyuutwa avihe vyaKalunga, ma tyaa:

Eholololo 5:13

Ame mba tyaa ovyuutwa avihe vyomeulu novyokombanda yohi novyomohi novyomelunga, avihe mbii li mo, vya imba havi tyaa: “Ehiviliko netumbaleko netumbalo nodhonkono ngavi pewe hengu ngwaa kala pohi kotjipunditumino nOndjona, apehe katee apehe!”