Mateus 5:9 - Etestamende Epe Moludhimba

⁹ Ovanalao ombava kondjela ouwa, mena lyokutya mava ka ithanwa ovanwaKalunga.

Mateus 5:9 Iomraidhean Croise

Mateus 5:45

opo mu ninge odhondele dhaIho owomeulu. Iya etango lye u li tumbithila ovawa novavi, nombula u i lokethela ovavyuuki nambahave thi ovavyuuki.

Mateus 5:48

Iya hwilen̯i po ngaIho owomeulu hiaa hwila po.

Lukas 20:36

Iya kaava ka t̯a uke, mena lyokutya va ngala ovaengeli, wo odhondele dhaKalunga, mena lyokutya va imunwa kout̯e.

Lukas 6:35

Iya kalen̯i amu hole odhondjedhi dhen̯i, mu ve ningile ouwa, mu ve levalethe n̯e ahamamu kevelele okutjun̯inwa, ondjambi yen̯i mai kala onene, n̯e mamu ka kala odhondele dhaKalunga Owokombandambanda, mena lyokutya ye u na onkenda namboka mbahava pandula novavi.

Ovilinga 7:26

Etango limo Moses wa vadhele Ovaisraeli vavali amava lu, ha lolo oku ve anununa, he ve heele ha tyaa: ‘Vantu n̯e, n̯e muvaihe imo, mamu lwile tji?’

Ovaroma 12:18

Andaa matji tjiiwa, tji li kun̯e mu kale nouwa novantu avehe.

Ovaroma 8:14

Iya ovantu avehe mboka mbava endethwa kOmbepo yaKalunga, ovanwaKalunga.

Ovaroma 8:16

Ombepo yaKalunga yo oyene oyo mai hipulula pamo nodhombepo dhetu okutya nt̯e tudhondele dhaKalunga.

Ovaroma 8:19

Ovyuutwa avihe mavi kevelele nehalo unene Kalunga hima ka hololola ovana.

1 Ovakorinto 6:6

Iya omwiitaveli u twala omwiitaveli omukwawo, a ka koywe kumbahave thi ovaitaveli.

2 Ovakorinto 13:11

Vakwetu, iya kalen̯i nawa! Kalen̯i amwa hwile po okupwa. Vandhipalekwen̯i, mu ilikin̯we, kalen̯i nomalipulo amo, kambulithen̯i ouwa. Kalunga nguu hole ovantu, nguu na ouwa, ma kala pamo nan̯e.

2 Ovakorinto 5:20

Iya nt̯e tuvakalelepo vaKristus. Kalunga omwene oye me tu undapetha, tu mu ilikin̯e, iya poluvedhe lwaKristus matu mu kumbu, mu wan̯en̯ekwe naKalunga.

Ovagalati 5:22

Iya ovinyango vyoMbepo hoovyombi: Okukala amu lihole, okuhulukwa, ouwa, okulikambulithila, oupanga, okukala nawa novantu, okukala omuliun̯ikwa,

Ovaefeso 4:1

Ame ndjinkwatwa mena lyokutya ndji undapela Muhona, me mu kumbu mu ende ngahi mwa thele okweenda paithano ndimwa ithanenwa,

Ovafilippi 4:2

Euodia naSintike me mu pukulula, mu kale amu na omalipulo amo muMuhona.

Ovakolossa 3:13

Likambulithilen̯i, andaa mwe liningi navi, liithilen̯i po. Muhona ngahi a itha po wo odhonkali dhen̯i, nan̯e wo ngatjo mu ithila po ovakwen̯i.

Ovaheberi 12:14

Kondjen̯i okukala nouwa novantu avehe, n̯e mu kondje okukala ovadhilikwa, mena lyokutya kape na nguma ka mona Muhona, andaa hamudhilikwa.