Mateus 5:22 - Etestamende Epe Moludhimba

²² Iya ame me mu heele okutya omuntu auhe nguma yumaneke omukwawo, we liundapele okukoywa. Nanguma heele omukwawo ha tyaa: ‘Tjintu ove,’ we liundapele oluyuma lwOtjoongi tjOvanene. Nanguma tyaa: ‘Tjilai ove,’ we liundapele omulilo woheli.

Mateus 5:22 Iomraidhean Croise

Mateus 10:17

Lungamenen̯i ovantu, mave ke mu yandja kovyoongi vyovanene, have ke mu tonena modhosinagoga dhawo nodhosokoti.

Mateus 10:28

Hámu tila mboka mbamava dhipaa olutu, wo hámava ulu okudhipaa omwenyo. Iya tilen̯i nguma ulu okuhan̯aunina moheli avyeevali, omwenyo nolutu.

Mateus 12:24

Iya Ovafarisai hive tji tee, hava tyaa: “Odhondemoni me dhi ta mo kodhonkono dhaBelsebul, omunene wodhondemoni.”

Mateus 17:5

Petrus tainkolo a li ama popi, pe ya ekaka ndimali laima, hali ve tjikile. Mekaka mwa dha ondaka hai tyaa: “Nguka Omunwandje omuhivilikwa, ngumba hopa, mu tyeen̯i.”

Mateus 18:21

Petrus we ya kuJesus ha tyaa: “Muhona, omukwetu ngwaa ndingi navi mba thele oku mu ithila po ovikando vingapi? Ovikando epanduvali?”

Mateus 18:35

“Iya Tate owomeulu otjo me mu ningi wo nyahoka andaa kaamu ithile po ovakwen̯i nomitima vyen̯i.”

Mateus 23:15

“Utatyei, n̯e ovalongiveta nOvafarisai, valinomi n̯e! Mu kambakana elunga nohi, mu mone omulongwa umo. Iya andaa tja ningwa, mu mu ninga omuna woheli, ngwee mu pon̯a tuvali.

Mateus 23:33

Dhonyoka n̯e, luyumuko n̯e lwodhonyoka. Mamu ulu vi okwiinkola ekoyo lyoheli.

Mateus 25:41

“Iya mai heele wo mboka owokokumbinda kwayo hai tyaa: ‘Dhen̯i po pwaame, n̯e ovathingwa, enden̯i momulilo waapehe mbwaa undapelwa omudiapoli novaengeli ve.

Mateus 26:59

Ovayambethi ovanene nOtjoongi atjihe tjovanene va li amava taendha oumbangi wovithithi, opo ve tjiiwe okudhipaa Jesus,

Mateus 3:17

Iya ondaka ya dha meulu hai tyaa: “Nguka Omunwandje omuhivilikwa, ngumba hopa.”

Mateus 5:34

Iya ame me mu heele okutya hámu ana nokanunu, hámu ana eulu, mena lyokutya lyo otjipundi tjaKalunga,

Mateus 5:44

Iya ame me mu heele okutya kalen̯i amu hole odhondjedhi dhen̯i, kumbilen̯i mbave mu tatetha,

Markus 14:55

Ovayambethi ovanene nOtjoongi atjihe tjovanene va li amava taendha oumbangi wokudhipaetha Jesus, iya ahamave u mono.

Markus 15:1

Iya omuhuka omunene ovayambethi ovanene novanene wotjiwan̯a novalongiveta nOtjoongi atjihe tjovanene tja tompola. Iya wo va kuta Jesus, have mu itha po, have mu yandja kuPilatus.

Lukas 12:5

Iya me mu yulikile ngoka ngumu tha okutila. Tilen̯i Kalunga, nguu na odhonkono okudhipaa nokuyundulila moheli. Iinga, otjo me mu heele okutya Kalunga hengu ngaye mu tila.

Lukas 22:66

Hikwa tji, Otjoongi tjovanene wotjiwan̯a novayambethi ovanene novalongiveta tja ongana, hava eta Jesus mOtjoongi tjawo.

Johannes 11:47

Iya Ovafarisai novayambethi ovanene va konga Otjoongi tjOvanene hava tyaa: “Matu ningi vi? Iya omulumentu hengu ma ningi ovilingatangan̯eko ovingi.

Johannes 15:25

Iya ondaka hendji ndjaa sonekwa moveta yawo, i tha okuhwithilwa po ndjimai tyaa: ‘Wo ve ndjele vala, atjaa ame hí na himbe ve ninga.’

Johannes 7:20

Owingi we mu yaka hau tyaa: “Nkwai u na ondemoni. Aan̯i nguma hala oku ku dhipaa?”

Johannes 8:48

Ovajuda va yaka Jesus hava tyaa: “Katu popile hitja vyuuka, hitwa tyaa uMusamaria, ove u na ondemoni?”

Ovilinga 17:18

Ovafilosofi vamo Ovaepikuri navamo Ovastoiki ve mu tetha ombata. Ovantu vamo va pula hava tyaa: “Omuntu nguka wa puma, napano ma hala okupopya tji?” Ovakwawo hava tyaa: “Ye ma ngala ma popi kombinga yookalunga kovantu vamo.” Va popya hinyahi, mena lyokutya Paulus wa li ama hipulula Jesus neimuko kout̯e.

Ovilinga 22:30

Iya ngamuhuka ondjai yovita ya li amai hala okutyaa nawa okutya Ovajuda otjitji mava hala okukondjetha Paulus. Ondjai ya popya okutya Paulus nga kutululwe, yo hai heele ovayambethi ovanene, Otjoongi atjihe tjOvanene tji ongane. Ondjai ya eta mo Paulus, hai mu kulameke komeho yawo.

Ovilinga 23:1

Iya Paulus wa tongolola ovanene wOtjoongi ha tyaa: “Valumentu vakwetu! Ame momutima wandje kotjipala tjaKalunga katee ndino hendi kamu na tja okatodhi.”

Ovilinga 24:20

Ne hemba mbave li po ngava popye andaa ndji na himba lundha, himba li kotjipala tjOtjoongi tjOvanene.

Ovilinga 4:15

Ovanene wOtjoongi va heela Petrus naJohannes, ve tji pite mo mondjuwo yOtjoongi, wo va tompola

Ovilinga 5:21

Iya ovayapostoli hive tji tee, va ya omuhuka omunene kotempeli, hava utu okulonga ovantu. Iya omuyambethi omunene pamo novantu ve, va hiva Otjoongi tjawo tjOvanene, ovanene avehe wOvaisraeli, ve ye kotjoonganene. Va tuma odhontumwa kokaliwoso, va ka ete ovayapostoli.

Ovilinga 5:27

Wo va eta ovayapostoli, have ve kulametha kotjipala tjOtjoongi tjOvanene, omuyambethi omunene we ve pula ha tyaa:

Ovilinga 6:12

Iya ovakuminini va hongaetha ovantu novanene novalongiveta, wo ve ya, have mu kambula, have mu nanene mOtjoongi tjOvanene.

Ovilinga 6:15

Avehe mbava li mOtjoongi va tongolola Stefanus hava mono okutya otjipala tje matji ngala otjipala tjomweengeli.

Ovilinga 7:37

Moses oye e li ye tuu ngoka ngwaa heelele Ovaisraeli ha tyaa: ‘Kalunga me ke mu tumina omuprofeti, ngaame hiaa ntumine kun̯e, nguma ka dha motjiwan̯a tjen̯i ovene.’

Ovaroma 12:10

Kalen̯i amu lihole unene ngahi tja thele okukala ovakriste. Tumbaleken̯i ovakwen̯i unene okupon̯a okulitumbaleka ovene.

1 Ovakorinto 6:10

ne ovimpulu ne mbave na olwiho ne mbava pyaluka ne mbava penya ne mbava kengelela, kaava ka pingana otjilongo tjaKalunga.

1 Ovakorinto 6:6

Iya omwiitaveli u twala omwiitaveli omukwawo, a ka koywe kumbahave thi ovaitaveli.

1 Ovatessalonika 4:6

Motjipuka hehi hápa kala nguma kengelele ne nguma ningi navi omukwawo. Hehi otjo twe mu heela hatu mu ilikin̯a tjo ae unene okutya Muhona oye e li omuyumaneki wovantu avehe hemba.

Titus 3:2

ahamava popile omuntu mouvi, ahamava kala nomalutangu, iya ngava kale nawa ave na onkenda novantu avehe.

Ovaheberi 12:25

Iya talen̯i okutya kaamu anya okuteelela nguma popi. Iya andaa ovantu mboka kava inkolele, ngwee ve londola ae li kombanda yohi, nt̯e matu ulu vi okwiinkola Kalunga ngume tu londola ae li meulu?

Ovaheberi 5:9

Ye hiaa hwithilwa po okupwa, wa ila othimo yehupitho lyaapehe yovantu avehe mbamava tee muye.

Jakob 2:20

Muvahima vanavi! Mamu hala okuyulikilwa okutya eitavelo ndihali na tja ovilinga lya t̯a?

Jakob 3:6

Elaka omulilo, li li ngouye mbwaa lundhaka. Elaka movin̯ipo vyetu li silika olutu aluhe, hali twaa onkalamwenyo yomuntu momulilo mbwaa tema, mbuu dha moheli.

1 Petrus 2:23

mbave mu penya, ke ve penyene, hiaa tatethwa, ka yumanene. We liun̯ika muKalunga ke nguu koya nawa hitja vyuuka.

1 Petrus 3:9

Ngume ku ningi navi, hó mu tjun̯ine ouvi, ngume ku penye, hó mu penye, mu pa elao, ngahi mwa ithanwa mu pingane elao.

1 Johannes 2:9

Nguma tya u li motjiten̯i, ye ae yele omukwawo okutya ye tee napano u li met̯iku.

1 Johannes 3:10

Iya mpoka opo mapa moneka odhondele dhaKalunga nodhondele dhomudiapoli. Nguhama undapa ouvyuuki, nanguhe hole wo omukwawo, hawaKalunga.

1 Johannes 5:16

Andaa wa mono omukwen̯i ama lundha, elundho ndihali thi olyokut̯a, kumba kuKalunga, Kalunga omuntu ngoka me mu pa omwenyo, iya otjo ma ningile mbahava lundha oulundhi wokut̯a. Pe na oulundhi mbumau ulu okutwala met̯o. Iya ame hí tile soka ngatjo mu kumbila.

Judas 1:9

Iya Mikael omweengeli omunene nandaku tiwa va li nombata naSatana mena lyotjivimbi tjaMoses okutya aan̯i nguma i natjo, ka popile Satana elaka evi ne e mu penye, iya we mu heela vala ha tyaa: “Muhona nge ku yumaneke.”

Eholololo 20:14

Iya et̯o notjovat̯e vya yumbwa melunga lyomulilo. Elunga lyomulilo hendi olyo li li et̯o etyavali.