Mateus 5:19 - Etestamende Epe Moludhimba

¹⁹ Iya andaa pe na nguma itha mo tjimo tjomovitumino hembi ovinunu, atjaa ha longo hinyahi ovantu, ma ka ithanwa omununu kovakwawo motjilongo tjeulu. Iya ngume vi takametha, ha longo ovakwawo nyahi, ma ka ithanwa omunene motjilongo tjeulu.

Mateus 5:19 Iomraidhean Croise

Mateus 11:11

Me mu heele otjatjili okutya movantu mbava yumukwa kovakadhintu kamu na tja omunene ngwaa pon̯a Johannes Omutjatji, iya omununu kovakwawo avehe motjilongo tjeulu oye e mu pon̯a.

Mateus 19:28

Jesus we ve heela ha tyaa: “Ame me mu heele otjatjili okutya Omuna wOmuntu hima ka kala pohi kotjipunditumino tjetumbalo lye mouye mbumau ya, nan̯e wo mbamwa ndandula mamu ka kala pohi kovipunditumino omulongo navivali okukoya omaanda omulongo naavali aIsrael.

Mateus 20:26

Iya mokati ken̯i hámu kala nyahoka. Iya mokati ken̯i nguma hala a kale omunene, nge mu undapele.

Mateus 28:20

n̯e mu ve longe okutakametha ovipuka avihe mbimbe mu longa. Iya taa tuutuu, ame ndji li pamo nan̯e omatango aehe katee pehulilo lyouye.”

Lukas 1:15

mena lyokutya ma ka kala omunene kotjipala tjaMuhona. Ovinyu novipyalukithi kee vi nu. Me yulithwa Ombepo Ondhilikwa, tainkolo ama dhi medhimo lyaina.

Lukas 11:42

“Utatyei, n̯e Ovafarisai, mena lyokutya mu yandja otjityamulongo tjondundukadhe notjodhondungu notjombidhi kwalukele, iya mu yetha ouvyuuki nohole yaKalunga, hembi ovyo vya thele okuundapwa, nambyoka ahamamu vi yetha.

Lukas 9:48

ha tyaa: “Nguma tambula okalele heha mena lyandje, oye ma ntambula, iya nguma ntambula, oye ma tambula ngoka ngwaa ntuma, mena lyokutya omununu mun̯e amuhe oye e li omunene.”

Ovilinga 1:1

Teofilus, membo lyandje lyolutenga mba soneka mo ovipuka avihe Jesus mbyaa uta okuninga nambyaa longa ovantu,

Ovaroma 3:8

Omena lyatji hihame tyaa: “Tu undapen̯i ouvi, opo mu dhe ouwa”? Iya ovantu vamo va mpenya, hava nkuminine okutya mba popya hinyahi. Mava ka koywa hitji lithike povilinga vyawo.

Ovaroma 6:1

Iya ngatu tye vi? Ngatu twikile okukala moulundhi okutya et̯ilonkenda lyaKalunga li ile en̯ingi?

Ovaroma 6:15

Iya tji li vi? Ngatu lundhe, mena lyokutya katu li kohi yoveta, tu li kohi yet̯ilonkenda? Hátjo nokanunu!

1 Timoteus 6:11

Iya ove, umuntu waKalunga, yepa ovipuka avihe ovivi. Kondjela ouvyuuki, ontilokalunga, eitavelo, ohole, elikambulithilo nelinunupiko.

Titus 3:8

Ondaka hendji oyatjatjili. Iya me hala u longe ovipuka hembi nodhonkono, opo mboka mbava itavela muKalunga, va kambulithe tjatjili okuundapa ouwa. Ovipuka hembi oviwa, vyo mavi popile ovantu.

1 Petrus 5:4

Omut̯ita omunene hime ya, mamu ka pewa ohala yetumbalo ndjihamai kundjuka.

1 Johannes 3:4

Auhe nguma lundha, ma yono wo oveta, mena lyokutya okulundha okuyona oveta.

Eholololo 2:20

Iya ndji na elaka naove, mena lyokutya wa yetha omukadhintu nguu tiwa Isabel, nguu litya omuprofeti, a longe, ye a kembele po ovantu vandje, ve litwee movihulo, wo va lye ombaveka.