Mateus 5:16 - Etestamende Epe Moludhimba

¹⁶ Iya otjiten̯i tjen̯i ngatji tungatele movipathi vyovantu, opo va mone ovilinga vyen̯i oviwa, wo va hivilike Iho owomeulu.

Mateus 5:16 Iomraidhean Croise

Mateus 23:5

Ovilinga vyawo avihe ve vi undapa, opo va moneke kovantu. Iya oupapa wawo mumu na omatumbulo omOmbimbeli, ve u ninga ounene, nodhondjambwila dhomidhalo dhawo odhonde.

Mateus 23:9

Hámu ithana omuntu noumo kombanda yohi noumo iho mena lyokutya Iho yuumo meulu.

Mateus 5:45

opo mu ninge odhondele dhaIho owomeulu. Iya etango lye u li tumbithila ovawa novavi, nombula u i lokethela ovavyuuki nambahave thi ovavyuuki.

Mateus 6:16

“Iya amamu litjaele ovikulya, hámu tungu omukoto ngahi tji ninga ovalinomi, mena lyokutya wo va tinda movipala, ovantu opo va mone okutya wo ve litjaele ovikulya. Otjatjili me mu heele okutya wo va pewa ondjambi yawo.

Mateus 6:9

N̯e mwa thele okukumba hinyahi: ‘Tate yetu nguu li meulu. Ena lyoye ngali dhilikwe.

Mateus 9:8

Iya owingi wovantu hiwe tji mono, wa li awa tila, hava hivilike Kalunga, ngwaa yandja odhonkono ndhii lithike hempa kovantu.

Lukas 11:2

Jesus we ve heela ha tyaa: “Andaa mamu kumbu, tyen̯ii: ‘Taa, ena lyoye ngali dhilikwe. Otjilongo tjoye ngatji ye.

Johannes 15:8

Andaa mamu ma ovinyango ovingi, Tate ma tumbalekethwa, n̯e mamu ile ovalongwa vandje.

Ovilinga 9:36

Iya moJoppe mwa li omukadhintu umo omulongwa nguu tiwa oTabita. (Ena hendi mOtjigreka li tiwa oDorkas, mali tya omenye.) Ye wa kala aa undapa ouwa nokupopila ovathona.

1 Ovakorinto 14:25

noviholekwa vyomomutima we mavi hololoka poluhandja, he lit̯imike po, ha tumbaleke Kalunga, ha hipulula ama tyaa: “Otjatjili, Kalunga u li pun̯e.”

2 Ovakorinto 9:13

Iya mena lyotjilinga hehi himwe ve ningila, mava ka pandula Kalunga himu tyaa kondaka ombwa yaKristus nahimu na oukumo nawo novantu avehe.

Ovagalati 1:24

Wo va tumbaleka Kalunga mena lyovipuka mbyaa ndjundapela.

Ovaefeso 2:10

Kalunga Omuuti wetu, iya moukumo naKristus Jesus, Kalunga we tu uta tu kale atu na ovilinga oviwa monkalamwenyo yetu. Ovilinga mbyoka Kalunga we tu twiila po vyo ae lukulu, tu ende muvyo.

Ovaefeso 5:8

Iya mwa li met̯iku, napano mu li motjiten̯i muMuhona, enden̯i ngodhondele dhotjiten̯i,

1 Ovatessalonika 2:12

Twe mu pukulula, hatu mu vandhipaleke, hatu mu heele mu ende ngahi matji thevelwa Kalunga ngwee mu ithanena motjilongo tje nometumbalo lye.

1 Timoteus 2:10

iya va thele okuundapa ovilinga oviwa mbimavi thevelwa ovakadhintu, mbave na ontilokalunga.

1 Timoteus 5:10

nguu hipululwa okutya wa undapa ovilinga oviwa, ngwaa tekula ovana, ye ha yakula ovayenda, ha koho odhompadhi dhovantu ovadhilikwa, ngwaa popila ovathona, ye ha kambulitha okuundapa otjilinga atjihe otjiwa.

1 Timoteus 5:25

Iya ovilinga wo oviwa vi li poluhandja, nandaku tiwa kavi moneka, kaavi ulu okuholama.

1 Timoteus 6:18

Ve pukulula, va undape ouwa, va ninge ovahona wovilinga oviwa. Ngava pe mo ovakwawo mouhona wawo.

Titus 2:14

ngwee liyandja omwene poluvedhe lwetu okutya e tu yowole mo mouvi auhe, ye omwene e tu kohole, tu kale otjiwan̯a tje, himatji kambulitha tjatjili ovilinga oviwa.

Titus 2:7

Movipuka avihe ove ila omuholelwa wovilinga oviwa, nelongo lyoye ngali kale alya kohoka, lyo alya tumbala.

Titus 3:14

Ovantu vetu nawo ngave lilonge wo okuundapa ouwa, va popile mpape na oluhepo, opo hava kala have na himava ningi.

Titus 3:4

Iya ouwa waKalunga Omuhupithi wetu nohole yokuhola ovantu hiye ya,

Ovaheberi 10:24

Ngatu lit̯ilen̯i otjiho, nt̯e tu livandhipaleke, tu kale atu lihole, nt̯e tu liningile ouwa.

1 Petrus 2:12

Kalen̯i nonkalo ombwa mokati kovapaani, iya andaa mave mu kuminine okutya mu undapa ouvi, va koneke ovilinga vyen̯i oviwa, va hive Kalunga katango me ya.

1 Petrus 2:9

Iya n̯e mumuhoko mbwaa holowolwa, ovayambethi wombala, otjiwan̯a otjidhilikwa, ovantu vaKalunga omwene mbamwa holowolwa, mu hipulule ovilinga vye ovinene. Kalunga we mu ithana mo met̯iku, mu ye motjiten̯i tje otjikumithi.

1 Petrus 3:1

Ovakadhintu nan̯e wo tyeen̯i kovalumentu ven̯i, opo mbahava itavelele muKalunga, nandaku tiwa kamuye ve heela ondaka yaKalunga, va itavele mena lyonkalo yen̯i.

1 Petrus 3:16

Iya tji ningen̯i mombepo ombwa ndjaa tutuvala, amu na elityoo ewa, opo mbamava penye onkalo yen̯i ombwa muKristus, va t̯ithwe ohon̯i kovipuka avihe mbimave mu penyene.

1 Petrus 4:11

Nguma teetha, wa thele okuteetha ondaka oyeneyene ndjaa dhi kuKalunga. Nguma popile, nga popile nodhonkono ndhima pewa kuKalunga, opo Kalunga a tumbalekwe movipuka avihe okupitila muJesus Kristus. Kalunga wa tumbala, u na odhonkono apehe katee apehe. Amen.

1 Petrus 4:14

Amamu lalulwa mena lyokutya mwa itavela muKristus okutya muvanalao, mena lyokutya Ombepo yelaimo, Ombepo yaKalunga i li kombanda yen̯i.