Mateus 5:12 - Etestamende Epe Moludhimba

¹² Linyandaelen̯i, mu hulukwe, mena lyokutya ondjambi yen̯i onene meulu, iya otjo va tatethele ovaprofeti mbava tengele komeho yen̯i.

Mateus 5:12 Iomraidhean Croise

Mateus 16:27

Iya Omuna wOmuntu me ke ya metumbalo lyaIhe pamo novaengeli ve. Ye ma ka thuta omuntu auhe hitji lithike povilinga vye.

Mateus 6:16

“Iya amamu litjaele ovikulya, hámu tungu omukoto ngahi tji ninga ovalinomi, mena lyokutya wo va tinda movipala, ovantu opo va mone okutya wo ve litjaele ovikulya. Otjatjili me mu heele okutya wo va pewa ondjambi yawo.

Lukas 13:34

“Jerusalem, Jerusalem, ove nguu dhipaa ovaprofeti, u dhipaa nomawe mboka mbawa tuminwa. Itungapi ndji hala okwoongedha ovanoye ngohuhwa hii ongedha oupiyona wayo kohi yomavava ayo! Iya n̯e kamu tji halele.

Lukas 6:23

Linyandaelen̯i etango ndyoka, n̯e mu lombauke, mena lyokutya ondjambi yen̯i onene meulu. Iya ovipuka ngambyoka owoiheombwale ovyo va ningila ovaprofeti.

Lukas 6:35

Iya kalen̯i amu hole odhondjedhi dhen̯i, mu ve ningile ouwa, mu ve levalethe n̯e ahamamu kevelele okutjun̯inwa, ondjambi yen̯i mai kala onene, n̯e mamu ka kala odhondele dhaKalunga Owokombandambanda, mena lyokutya ye u na onkenda namboka mbahava pandula novavi.

Ovilinga 16:25

Iya mokati kovit̯iku Paulus naSilas va kala amava kumbu, otjo mava imbile Kalunga. Odhonkwatwa odhonkwawo dha li amadhi teelele kuwo.

Ovilinga 5:41

Ovayapostoli va dha mOtjoongi tjOvanene ave hulukwa, mena lyokutya Kalunga we ve tala okutya va yauka okutatethelwa ena lyaJesus.

Ovaroma 5:3

Hatjo vala soka, iya matu hulukilwa wo omaudheu, hitu tji i okutya moudheu mamu dhi okulikambulithila.

1 Ovakorinto 3:8

Nguma twike nanguma tekele avehe ivamo. Omuntu auhe ma ka pewa ondjambi ye ndjii lithike potjilinga tje.

2 Ovakorinto 4:17

Iya oudheu mbutu na wo napano owopokaluvedhe, mau ke tu etela elaimo enene unene ndihali tjiiwa okuyelekwa, ndimali kala apehe.

Ovafilippi 1:29

Iya mena lyokutya mwa pewa otjilinga tjokuundapela Kristus, hakumu itavela vala, iya nokutatethwa wo mena lye.

Ovafilippi 2:17

Iya eitavelo lyen̯i olyo li li eyambo motjilinga tjaKalunga, iya ame nande yandjwa ngeyambo, me hulukwa, me linyandaele pamo nan̯e amuhe.

Ovakolossa 1:24

Iya ame napano mbe hulukwa, hime tatethwa mena lyen̯i. Ame me hwithile po nolutu lwandje omaudheu ovipuka mbihavya ningililwe olutu lwaKristus, nduu li eongalo.

Ovakolossa 3:24

Kalen̯i amu tji i okutya Muhona me ke mu pa ondjambi ndjaa ungulila ovantu ve, mena lyokutya mu undapela Muhona Kristus ye omwene.

1 Ovatessalonika 2:15

wo owo va dhipaa Muhona Jesus, hava dhipaa uke ovaprofeti, wo have tu tatetha. Wo kave hulukithile Kalunga, va kondjetha ovantu avehe.

Ovaheberi 10:34

Iinga, iya mwa ihamekwa pamo nodhonkwatwa, hamu likambulithile nehuluko himwa pundwa omamona en̯i. Iya omena lyokutya mu tji i okutya mu na tjimo otjiwa hihamatji anda.

Ovaheberi 11:26

Ye wa mona okutya okupenywa mena lyaKristus hahe okupon̯a omauhona aehe omoEgipiti, mena lyokutya ye wa li ae lwete ondjambi ndjima ka pewa komeho.

Ovaheberi 11:33

Mena lyeitavelo va kondjetha ovilongo, have vi ton̯a. Va undapa ouvyuuki, hava mono omaudhiko ngaa hwithilwa po, hava pata ovinyo vyodhonkeyama.

Ovaheberi 11:6

Kape na tja ngume hulukilwa kuKalunga, andaa ke na tja eitavelo, mena lyokutya nguma hweene puKalunga, wa thele okwiitavela okutya Kalunga oko e li, ye ma thutu mbamave mu taendha.

Jakob 1:2

Vakwetu, litalen̯i okutya muvanalao, andaa mwa vadhwa komatyoletho ngae lili nangae lili.

Jakob 5:10

Vakwetu, holelen̯i ovaprofeti mbava popya mena lyaMuhona, mbave likambulithila momaudheu.

1 Petrus 4:13

Iya hulukwen̯i, himu na mo tja momatatetho aKristus, opo mu hulukwe n̯e mu lolole, katango wo etumbalo lye mali ka holololwa.