Mateus 4:24 - Etestamende Epe Moludhimba

²⁴ Etumbuko lye lya handjana motjilongo tjaSiria atjihe. Ovantu ve mu etela ovavedhi avehe mbava li nomauvela ngae lili nangae lili noviihamo, nahemba mbava li nodhondemoni, nowovintonya, nambava vela otjinteya, avehe he ve velula.

Mateus 4:24 Iomraidhean Croise

Mateus 12:22

Iya Jesus wa etelwa omulumentu ngwaa li nondemoni, omupot̯i, ye nguha popi, he mu velula. Omuhapopi wa popya, ye he ku mono.

Mateus 14:1

Iya potembu ndjoka Herodes, omutumini wotjityane tjotjilongo, wa tyaa etumbuko lyaJesus.

Mateus 15:22

Iya kovit̯indwalongo vyatjo hoka kwa dha omukadhintu Omukanana, wa wololoka ha tyaa: “Muhona, MunwaDavid, nt̯ila ndje onkenda! Omunwandje omukadhona ma tatethwa navi kondemoni.”

Mateus 17:15

ha tyaa: “Muhona, t̯ila omunwandje omudhantu onkenda, u na ovintonya, mavi mu tatetha unene, mena lyokutya otwingi u wila momulilo nomomeva.

Mateus 17:18

Jesus wa anda ondemoni, ondemoni hai dhi mo mondele, ondele wa veluka powola yatjo ndjoka.

Mateus 4:23

Jesus wa endaenda moGalilea atjihe, ha longo ovantu modhosinagoga dhawo, ha teetha ondaka ombwa yotjilongo tjaKalunga, ha velula omitjithi avihe nomauvela aehe mokati kovantu.

Mateus 8:28

Iya hiee ya tjikoohinya motjilongo tjOvagadara, ovalumentu vavali mbava li nodhondemoni, va dha modhombila dhomaleva, hava wanene naJesus. Ovalumentu mboka va li ovatilithi unene, iya kape na tja noumo ngwaa li ama ulu okweenda mondjila ndjoka.

Mateus 8:33

Ovat̯ita wovingulu va ka inkola, hava i kondolopa oku ka hipulula ovipuka hembi avihe novyovantu mbave na odhondemoni hiva ningwa.

Mateus 8:6

ha tyaa: “Muhona, omuntu wandje wa vela otjinteya, u li mondjuwo, wa mona ovihuna unene.”

Mateus 9:26

Odhondaka ndhika dha ya motjit̯indwalongo atjihe.

Mateus 9:35

Jesus wa endaenda modhondolopa adhihe nomoulongo auhe. Wa longa ovantu modhosinagoga dhawo, ha teetha ondaka ombwa yotjilongo tjaKalunga. Wa velula omutjithi auhe nouvela auhe.

Markus 1:28

Etumbuko lyaJesus lya handjana dhivadhiva notjit̯indwalongo atjihe tjaGalilea.

Markus 1:32

Iya etango hilya hiti, okawiiwii hika wile pohi, ovantu va eta ovavedhi avehe nambava li nodhondemoni.

Markus 2:3

pe ya ovalumentu vane mbava tjindi omulumentu nguu na otjinteya, have mu eta kuJesus.

Markus 2:4

Iya mena lyowingi wovantu va anyenenwe oku mu thikitha puJesus, hava uthula ontovi kombanda yondjuwo, hai vyuukilile pompuka mpoka mpapa li Jesus, hapo va thothononena otjiyalo moka mumwa li omuvedhi wotjinteya.

Markus 2:9

Hitja puvala otjin̯i, okuheela omuvedhi wotjinteya okutya: ‘Odhonkali dhoye dha ithwa po,’ ne oku mu heela okutya: ‘Kulama, itha po otjiyalo tjoye, enda’?

Lukas 2:2

Elisoneketho hendi lya li olyolutenga ndyaa ningilwe, tainkolo Kireneus hiaa li omutumini wotjilongo tjaSiria.

Lukas 4:14

Jesus wa tjuna koGalilea, ha endethwa kodhonkono dhOmbepo yaKalunga. Iya omipopyo ouhunga naJesus vya ya noulongo auhe wopoulaanganda.

Lukas 4:38

Jesus wa dha mosinagoga, ha i koyooSimon. Inaivi yaSimon wa li aa kambulwa unene kelema, wo have mu dhimbula kuJesus.

Lukas 5:15

Iya omipopyo ouhunga naJesus vya ya kokule, novantu ovengi ve ya oku mu teelela nokuvelulwa komauvela awo.

Lukas 5:24

Iya opo mu kale amu tji i okutya Omuna wOmuntu u na odhonkono kombanda yohi okwiitha po odhonkali,” Jesus wa heela omulumentu wotjinteya ha tyaa: “Ame me ku heele okutya kulama, itha po otjintali tjoye, enda konganda.”

Lukas 7:17

Omipopyo hembi ouhunga naJesus vya handjana moJudea atjihe nopoulaanganda apehe.

Johannes 10:21

Ovakwawo hava tyaa: “Nguu na ondemoni kaa ulu okupopya odhondaka ndhii li nyahoka. Ondemoni mai ulu vi okutwikulula omeho ovapot̯i?”

Ovilinga 10:38

N̯e mwa iwa okutya Jesus waNasaret, Kalunga we mu pa Ombepo Ondhilikwa nodhonkono. Jesus wa endaenda apehe, wa undapa ouwa, ye ha velula avehe mbava li kohi yodhonkono dhaSatana, mena lyokutya Kalunga wa li puye.

Ovilinga 15:23

have ve pa omukanda mbwaa sonekwa hinyahi: “Nt̯e ovayapostoli novanene veongalo ovakwen̯i, matu mu menekele po n̯e amuhe ovaitaveli ovakwetu owomoAntiokia, nomoSiria nomoKilikia mbamwa dha moupaani.

Ovilinga 15:41

Ye wa yatakana moSiria nomoKilikia ama pameke omaongalo.

Ovilinga 28:9

Kon̯ima yotjiningwapuka hehi ovavedhi vamo wo owomompanga ve ya kuPaulus, he ve velula.

Ovilinga 8:7

Odhombepo odhombi dha dha mo movantu ovengi, amadhi ulu unene. Ovilema novantu ovengi mbava li novinteya, va velulwa.