Mateus 4:23 - Etestamende Epe Moludhimba

²³ Jesus wa endaenda moGalilea atjihe, ha longo ovantu modhosinagoga dhawo, ha teetha ondaka ombwa yotjilongo tjaKalunga, ha velula omitjithi avihe nomauvela aehe mokati kovantu.

Mateus 4:23 Iomraidhean Croise

Mateus 11:5

ovapot̯i va twikuluka, ovilema mavi ende, owovilundu va veluka, odhompolo dha thituluka, ovat̯e mava imunwa kout̯e, ovathona mava teethelwa ondaka ombwa.

Mateus 12:9

Iya Jesus wa dha ko hoka, he ya kosinagoga yawo.

Mateus 13:19

Iya auhe ngoka nguma tee ondaka yotjilongo tjeulu, atjaa ye ke i yuvite, omunauvi me ya, ha itha mo soka hitja kunwa momutima we. Hehi otjo tji li ombuto ndjaa kunwa pontyo yondjila.

Mateus 13:54

We ya kondolopa yokoyawo, ha utu okulonga ovantu mosinagoga yawo, iya ve kumwa, hava tyaa: “Omuntu hengu ounongo novilingankono hembi we vi vadha pi?

Mateus 14:14

Iya Jesus hiee thiki kontyo, wa mona owingi wovantu. Ye wa li ae ve etethele mo onkenda, ha velula ovavedhi vawo.

Mateus 24:14

Iya ondaka hendji ombwa yotjilongo tjaKalunga mai ka teethelwa ouye auhe, i ningile oviwan̯a avihe oumbangi, tjau atjaa haku ya ehulilo.

Mateus 3:2

ha tyaa: “Liteyululen̯i, mena lyokutya otjilongo tjeulu tje ya popedhi.”

Mateus 9:35

Jesus wa endaenda modhondolopa adhihe nomoulongo auhe. Wa longa ovantu modhosinagoga dhawo, ha teetha ondaka ombwa yotjilongo tjaKalunga. Wa velula omutjithi auhe nouvela auhe.

Markus 1:14

Kon̯ima Johannes hiaa yedhililwa mokaliwoso, Jesus wa ya koGalilea, ha ka teetha ondaka ombwa yaKalunga

Markus 1:21

Jesus novalongwa ve va ya koKapernaum. MEsabati Jesus wa ya mosinagoga, ha utu okulonga ovantu.

Markus 1:39

Iya Jesus wa endaenda moGalilea atjihe, ha teethele modhosinagoga dhawo, odhondemoni ndhaa li movantu, he dhi ta mo.

Markus 3:10

Jesus wa velula ovantu ovengi, mboka mbava li nomauvela awo va hweena otjo mave liyundulile kuye, opo ve mu t̯in̯e.

Markus 6:2

Metango lyEsabati Jesus wa uta okulonga ovantu mosinagoga. Ovantu ovengi hive mu teelele, have kumwa, have lipula hava tyaa: “Omuntu hengu ovipuka hembi avihe we vi vadha pi? Ounongo hembu mbwee na wo, u li vi? Ovilingankono mbyoka mbyaa undapa, vi lithike pi?”

Markus 6:6

Ye we kuminwa mena lyokuhaitavela kwawo. Iya okudha mpoka Jesus wa ka endaenda moulongo noulongo, otjo ma longo ovantu.

Lukas 10:9

Velulen̯i ovavedhi motjilongo moka, n̯e mu heele ovantu mu tyee: ‘Otjilongo tjaKalunga tje ya popedhi nan̯e.’

Lukas 13:10

Jesus wa li ama longo ovantu mosinagoga imo metango lyEsabati.

Lukas 16:16

“Oveta novaprofeti ya hulila muJohannes. Okudha mpoka ondaka ombwa yotjilongo tjaKalunga mai teethwa, auhe me lin̯in̯ikidhile mo.

Lukas 20:1

Etango limo Jesus hiaa li motempeli ama longo ovantu nokuteetha ondaka ombwa, ovayambethi ovanene novalongiveta pamo novanene wotjiwan̯a ve ya mo,

Lukas 4:14

Jesus wa tjuna koGalilea, ha endethwa kodhonkono dhOmbepo yaKalunga. Iya omipopyo ouhunga naJesus vya ya noulongo auhe wopoulaanganda.

Lukas 5:17

Etango limo Jesus hiaa li ama longo ovantu, pa li apa kala pohi Ovafarisai novalongiveta mbava dhile koulongo auhe womoGalilea nowomoJudea nomoJerusalem. Kodhonkono dhaMuhona, Jesus wa velula ovavedhi.

Lukas 6:17

Jesus wa heluka ko kondundu pamo novayapostoli, wa kulama poluhandja pamo nawo. Engundwa enene lyovalongwa ve nowingi wovantu mbwaa dha moJudea atjihe nokoJerusalem nokoTiro naSidon kontyo yelunga

Lukas 6:6

Iya mEsabati ekwawo Jesus wa ya mosinagoga, ha longo ovantu. Mwa li omulumentu ngwaa lemana okuwoko kwokokulyo.

Lukas 7:21

Powola yatjo tuu ndjoka Jesus wa velula ovantu ovengi komauvela, koviihamo nokodhombepo odhombi, ovapot̯i ovengi we ve twikulula.

Lukas 7:22

Iya Jesus we ve yaka ha tyaa: “Enden̯i, mu ka hipululile Johannes mbimwa mono nambimwa tee okutya ovapot̯i va twikuluka, ovilema mavi ende, owovilundu va veluka, odhompolo dha thituluka, ovat̯e mava imunwa kout̯e, ovathona mava teethelwa ondaka ombwa.

Lukas 8:1

Okudha mpoka Jesus wa endaenda modhondolopa nomoulongo, otjo ma teetha ondaka ombwa yotjilongo tjaKalunga. Ye wa li pamo novalongwa ve omulongo navavali,

Lukas 9:11

Iya owingi wovantu hiwe tji tee, we mu landula. Jesus we ve tambula, he ve hipululile otjilongo tjaKalunga, ha velula mboka mbava li amava hepa okuvelulwa.

Lukas 9:60

Jesus we mu yaka ha tyaa: “Yetha ovat̯e va pake ovat̯e vawo, iya ove enda, u ka teethe otjilongo tjaKalunga.”

Johannes 18:20

Jesus we mu yaka ha tyaa: “Ame ndji popya apehe movipathi vyovantu avehe. Mba longa apehe modhosinagoga nomotempeli, moka mumu ongana Ovajuda avehe. Ame hí popile notjimo meholamo.

Johannes 6:59

Odhondaka hendhi Jesus we dhi popila mosinagoga moKapernaum, hiaa li ama longo ovantu.

Johannes 7:1

Kon̯ima yovipuka hembi Jesus wa li ama ende moGalilea. Wa li ahama hala okweenda moJudea, mena lyokutya Ovajuda va li amava hala oku mu dhipaa.

Ovilinga 10:38

N̯e mwa iwa okutya Jesus waNasaret, Kalunga we mu pa Ombepo Ondhilikwa nodhonkono. Jesus wa endaenda apehe, wa undapa ouwa, ye ha velula avehe mbava li kohi yodhonkono dhaSatana, mena lyokutya Kalunga wa li puye.

Ovilinga 18:4

Paulus wa popya mosinagoga mEsabati alihe, ha itaveletha Ovajuda nOvagreka.

Ovilinga 20:25

“Iya napano ame ndji tji i okutya n̯e mboka mbamba valulila po, he mu teethele ouhunga notjilongo tjaKalunga, kaamu ka mbona uke.

Ovilinga 28:31

Ovantu we ve teethela nouvandhi otjilongo tjaKalunga, he ve hipululile Muhona Jesus Kristus, ye ka tjaelelwe komuntu noumo.

Ovaroma 10:15

Mava ulu vi okuteetha, andaa kava tuminwe? Ngahi kwa sonekwa haku tiwaa: “Odhompadhi dhovateethi wondaka ombwa dhe thewa vi!”