Mateus 3:8 - Etestamende Epe Moludhimba

⁸ Iya undapen̯i ovipuka mbimavi yulike okutya mwe liteyulula.

Mateus 3:8 Iomraidhean Croise

Mateus 21:32

Iya Johannes we ya kun̯e oku mu yulikila ondjila youvyuuki, atjaa n̯e kamu mu itavelele. Iya ovathendelethi nomakunga ve mu itavela. Iya kon̯ima himwe tji mono, kamu liteyululile, n̯e hiaa popya kamu tji itavelele.”

Lukas 3:8

Iya undapen̯i ovipuka mbimavi yulike okutya mwe liteyulula. Hámu utu okulipopila okutyaa: ‘Tu na tate Abraham.’ Iya me mu heele okutya Kalunga ma ulu okutjitukitha omawe henga, he e ningi oluyumuko lwaAbraham.

Ovilinga 26:20

Iya olutenga mba teethela owomoDamasko nowomoJerusalem nowomotjilongo atjihe tjaJudea nomokati kovapaani wo okutya ve liteyulule, ve ye kuKalunga, va undape ovilinga mbyoka mbimavi yulike okutya wo ve liteyulula.

Ovaefeso 5:8

Iya mwa li met̯iku, napano mu li motjiten̯i muMuhona, enden̯i ngodhondele dhotjiten̯i,

Ovaefeso 5:9

mena lyokutya ouwa auhe nouvyuuki notjatjili otjo tji li ovinyango vyotjiten̯i.

Ovafilippi 1:11

Iya mamu yulithwa ovinyango vyouvyuuki muJesus Kristus okutumbaleketha nokuhivilikitha Kalunga.