Mateus 3:12 - Etestamende Epe Moludhimba

¹² Ye u na otjiyeletho mokuwoko kwe, ma kombo otjiwaa tje, ovilya vye me vi ungula motjindhi, iya olungu me lu hike po nomulilo mbuhau dhimi.”

Mateus 3:12 Iomraidhean Croise

Mateus 13:30

Yethen̯i vala vi kulile mumo katee pokuteya. Iya potembu yokuteya, me ka heela ovateyi, olutenga va ongedhe olwandjandja, ve lu kute ovipandi, lu hikwe po. Iya ovilya ve vi dhile movindhi vyandje.’ ”

Mateus 13:41

Omuna wOmuntu ma ka tuma ko ovaengeli ve, mava ka kongolola motjilongo tje ovatyolethi namboka mbava pengetha oveta.

Mateus 13:42

Iya mava ka yumbwa mekundungala lyomulilo. Mompuka moka mamu ka kala otjililo nelikweyo lyomayoo.

Mateus 13:43

Iya ovavyuuki mava ka laima ngetango motjilongo tjaIhe. Nguu na omatwi, nga tyee.

Lukas 3:16

Johannes we ve heela avehe ha tyaa: “Ame me mu tjatja nomeva, iya ngume ya omunene kwaame. Ame híme tji ulu nangahi tji li okukutulula omivya vyodhongaku dhe. Ye me mu tjatja nOmbepo Ondhilikwa nomulilo.

Lukas 3:17

Ye u na otjiyeletho mokuwoko kwe, ma kombo otjiwaa tje, ovilya me vi ungula motjindhi tje, iya olungu me lu hike po nomulilo mbuhau dhimi.”

Johannes 15:2

Ye ma tete ko ontai aihe kwaame ndjihamai ma ovinyango, iya ontai aihe ndjimai ma, me i thevethwa, i me ovinyango ovingi.