Mateus 27:3 - Etestamende Epe Moludhimba

³ Iya Judas, omuweleleki wa Jesus, hiaa mono okutya Jesus ma koywa, we liteyulula, ha tjun̯a odhombongo omilongo vitatu dhotjisilveri kovayambethi ovanene nokovanene,

Mateus 27:3 Iomraidhean Croise

Johannes 13:2

Iya Jesus novalongwa ve hive ya pokulya, omudiapoli wa vadhwa aa twaa omalipulo momutima waJudas yaSimon Iskariot, a weleleke Jesus.

Johannes 13:27

Judas hiaa li onkanko ndjoka, Satana wa ya muye. Iya Jesus we mu heela ha tyaa: “Soka himo ningi, tji ninga dhiva.”

Johannes 18:3

Iya Judas wa ya kotjuundo hoka nengundwa lyovakwavita navamo owomovayungi wotempeli, mbava tumwa okudha kovayambethi ovanene nokOvafarisai. Ve ya ko novithithi vyomulilo nodholamba novilwitho.

Ovilinga 1:18

(Odhombongo ndhoka Judas ndhaa pewa hiaa undapa ovilinga ovivi, we dhi landa otjana, motjana moka omo a wila, he thikile po edhimo, ovipuka avihe vyomedhimo lye havi tipuka mo.

2 Ovakorinto 7:10

Iya okuningithwa omitima omivi kehalo lyaKalunga kwe etela omuntu eliteyululo. Eliteyululo li etela omuntu ehupitho, iya okuningithwa omitima omivi katji pukile. Iya okuningithwa omitima omivi mena lyouye ku twala met̯o.