Mateus 27:16 - Etestamende Epe Moludhimba

¹⁶ Iya va li nonkwatwa imo ndjaa li ai iwe nawa ndjii tiwa oBarabas.

Mateus 27:16 Iomraidhean Croise

Mateus 27:15

Pomatango otjipito tjOpaasa pa li onkalo omutumini ndjaa kutululila ovantu onkwatwa imo ndjimava hala.

Mateus 27:17

Iya hiva ongana, Pilatus we ve pula ha tyaa: “Oun̯i po ngumamu hala ndji mu kutululile, oBarabas ne oJesus nguu tiwa oMessias?”

Markus 15:7

Kwa li omulumentu umo nguu tiwa oBarabas ngwaa kambulilwe pamo nodhomputji odhonkwawo, mbava li notjipopya tjokudhipaa omuntu.

Lukas 23:25

Wa kutulula ngoka nguva li amava hala, ngwaa li mokaliwoso mena lyotjipopya nomena lyokudhipaa, iya ha yandja Jesus, a ningwe ngahi mava hala.

Johannes 18:40

Iya wo va wololoka uke unene hava tyaa: “Aai, haye ngoka! Nt̯e matu hala Barabas!” Iya Barabas wa li omputji.

Ovilinga 3:14

N̯e mwa yekelahi Jesus ngwaa li omuvyuuki, omudhilikwa, n̯e hamu kumbu Pilatus, e mu kutululile omudhipai.

Ovaroma 1:32

Wo oveta yaKalunga ve i i okutya mai tya nguma kala monkalo ndjii li nyahi, ma t̯i. Wo ovene kava undapa vala ovipuka hembi, iya ve hulukilwa ovantu mbave vi ninga.

Ovaroma 16:7

Menekelen̯i po ooAndronikus naJunias ovetu, nodhonkwatwa dhonkwetu mbava tumbala mokati kovayapostoli, mboka mbava li ovatenga okwiila ovakriste pwaame.