Mateus 26:10 - Etestamende Epe Moludhimba

¹⁰ Iya Jesus hiee tji mono, we ve heela ha tyaa: “Omukadhintu hengu mamu mu ningithile tji omutima omuvi? Ngunya wa ndjundapele otjilinga otjiwa.

Mateus 26:10 Iomraidhean Croise

Mateus 26:11

Ovathona apehe mamu kala nawo, iya ame híme kala nan̯e apehe.

Mateus 26:9

Ngaile a landethelwe po, ngai a eta odhombongo odhingi, dhi yandjwe kovathona.”

Markus 14:6

Jesus we ve heela ha tyaa: “Mu yethen̯i. Omena lyatji mamu mu ningitha omutima omuvi? Ngunya wa ndjundapele otjilinga otjiwa.

Lukas 8:49

Tainkolo Jesus a li ama popi, koyomunene wosinagoga kwa dha ontumwa hai tyaa: “Hó ulithwa uke omulongethi, omunoye ke ko.”

2 Ovakorinto 9:8

Kalunga ma ulu oku mu pa otjin̯ingi okupon̯a puhimamu hepa, opo mu kale amu na tja apehe atjihe himamu hepa, n̯e mu kale wo amu na tja hitja hulu okuyandja kotjilinga atjihe otjiwa.

Ovagalati 1:7

Ko okwene kaku na tja ondaka ombwa imo uke, iya ku na ovantu vamo mbave mu ngwangwaneka, mbava kondja okupidhidhika ondaka ombwa yaKristus.

Ovagalati 5:12

Ovalumentu mbamave mu ngwangwaneke ngave litukane ngahi tji tukanwa ovipako.

Ovagalati 6:17

Me hulitha ame tya hapa kala uke nguma mpa oudheu, mena lyokutya omahathi ngandji na o, maa yulike okutya ame ndjimuntu waJesus.

Ovaefeso 2:10

Kalunga Omuuti wetu, iya moukumo naKristus Jesus, Kalunga we tu uta tu kale atu na ovilinga oviwa monkalamwenyo yetu. Ovilinga mbyoka Kalunga we tu twiila po vyo ae lukulu, tu ende muvyo.

Ovakolossa 1:10

okweenda kwen̯i opo ku thevelwe Muhona, mu ninge himatji hulukitha Muhona apehe. Ovilinga vyonkalamwenyo yen̯i avihe mavi ka kala oviwa, okwiiwa kwen̯i Kalunga, maku ile okunene.

2 Ovatessalonika 2:17

Kalunga nge mu vandhipaleke, mu popye n̯e mu undape ovilinga oviwa.

1 Timoteus 3:1

Ondaka hendji oyatjatjili ndjimai tya omuntu nguma hala a kale omuviyuli weongalo, ma hala otjilinga otjiwa.

1 Timoteus 5:10

nguu hipululwa okutya wa undapa ovilinga oviwa, ngwaa tekula ovana, ye ha yakula ovayenda, ha koho odhompadhi dhovantu ovadhilikwa, ngwaa popila ovathona, ye ha kambulitha okuundapa otjilinga atjihe otjiwa.

2 Timoteus 2:21

Andaa omuntu we liningi nawa, ha kohoka mo movipuka ovivi, ma ulu okuundapethwa movilinga mbyaa tumbala. Omuntu nguu li nyahoka we likalekelwa, e thevelwe omuhona we. Ye we lilongekedha okuundapethwa motjilinga atjihe otjiwa.

Titus 1:16

Wo va tya ve i Kalunga, atjaa ovilinga vyawo vi mu tendela, mena lyokutya ovatyolethi kava tee, wo kava ulu okuundapa otjilinga otjiwa notjimo.

Titus 2:14

ngwee liyandja omwene poluvedhe lwetu okutya e tu yowole mo mouvi auhe, ye omwene e tu kohole, tu kale otjiwan̯a tje, himatji kambulitha tjatjili ovilinga oviwa.

Titus 3:1

Thipalukitha ovakwaneongalo woye, va tyee kovatumini nokovanene wotjilongo, ve ve tumbaleke, wo va kale amava undapa ovilinga oviwa,

Titus 3:14

Ovantu vetu nawo ngave lilonge wo okuundapa ouwa, va popile mpape na oluhepo, opo hava kala have na himava ningi.

Titus 3:8

Ondaka hendji oyatjatjili. Iya me hala u longe ovipuka hembi nodhonkono, opo mboka mbava itavela muKalunga, va kambulithe tjatjili okuundapa ouwa. Ovipuka hembi oviwa, vyo mavi popile ovantu.

Ovaheberi 13:21

Iya Kalunga nge mu pe ouwa auhe, opo mu undape ehalo lye. Kalunga nga undape munt̯e tu mu thevelwe okupitila muJesus Kristus, ye nga tumbalekwe apehe katee apehe. Amen.

1 Petrus 2:12

Kalen̯i nonkalo ombwa mokati kovapaani, iya andaa mave mu kuminine okutya mu undapa ouvi, va koneke ovilinga vyen̯i oviwa, va hive Kalunga katango me ya.