Mateus 24:7 - Etestamende Epe Moludhimba

⁷ Otjiwan̯a matji ka lwitha otjiwan̯a otjikwawo, notjilongo matji ka lwitha otjilongo otjikwawo. Maku ke ya ondjala, nohi mai ka teketa pomaluvedhe nomaluvedhe.

Mateus 24:7 Iomraidhean Croise

Lukas 21:11

Pomaluvedhe nomaluvedhe ohi mai ka teketa unene, maku ke ya ondjala nomitjithi vyovintimba. Keulu maku ka kala omatangan̯eko omanene ngamaa tilitha.

Ovilinga 11:28

Iya Agabus umo owomovaprofeti mboka wa kulama, mepopilo lyOmbepo Ondhilikwa wa popya okutya mouye auhe mamu ke ya ondjala onene. Iya ondjala yatjo ndjoka, ya ningwa potembu ndjoka Klaudius hiaa li omukesari moRoma.

Ovilinga 2:19

Me ka yulika ovikumithi peulu meulu nomatangan̯eko pohi kombanda yohi, maku ka kala ombindhi nomulilo nomwithi mbwaa twiima.

Ovaheberi 12:27

Ondaka hendji ndjimai tyaa: “Otjikando tjimo uke” mai yulike okutya ovyuutwa avihe mbyaa teketethwa, mavi ka ithwa po, opo mbihavi teketele, vi kale po.

Eholololo 6:12

Mba mona Ondjona himai kakula ko otjilimbo otjityapandu. Pa li eteketo lyohi enene, etango lya dhiwelele ngomudhalo wokudhula, nomwedhi auhe wa li amau ngala ombindhi.

Eholololo 6:5

Ondjona hiya kakula ko otjilimbo otjityatatu, mba tyaa otjipuka otjityatatu hitji na omwenyo hatji tyaa: “Indjo!” Iya taa tuutuu, mba mona onkambe ondholodhi, ngwaa li ae i kavile, wa li notjiyeleketho mokuwoko kwe.

Eholololo 6:6

Mba tyaa otjipuka himatji ngala ondaka pokati kovipuka vine mbii na omwenyo hai tyaa: “Okambala kohenga yomahangu maka i ondenari, noumbala utatu wohenga yomaha mau i ondenari imo, iya omadhi novinyu hó vi yono.”

Eholololo 6:8

Taa tuutuu, mba mona onkambe ombahe, ngwaa li ae i kavile, u tiwa Et̯o. Otjovat̯e tji kala amatji mu landula. Iya Et̯o nOtjovat̯e vya pewa etumino okutumina otjityane tjohi nokudhipaa ovantu movita, kondjala, kouvela nokovithitu vyokombanda yohi.