Mateus 24:42 - Etestamende Epe Moludhimba

⁴² “Iya pathumuken̯i, mena lyokutya kamu tji i okutya Muhona wen̯i me ya etango patji.

Mateus 24:42 Iomraidhean Croise

Mateus 24:36

“Iya etango ne owola ndjoka kape na nguu i i, novaengeli meulu ne Omuna, kakele vala kaTate aika.

Mateus 24:43

Iya kalen̯i amu tji i okutya ngaile omwene wonganda u tji i okutya otjimpulu matji ya powola patji, ngai ma kala aa pathumuka, onganda ye ahamai teywa.

Mateus 24:44

Iya nan̯e wo kalen̯i amwe lilongekedha, mena lyokutya Omuna wOmuntu me ya powola ndjihamamu mu kevelele.

Mateus 25:10

Iya hiva i, va ka lande, omukupi we ya. Mboka mbava vadhwa ave lilongekedha, va hita mo pamo naye motjipito tjolukupo, omuvelo hau yedhilwa.

Mateus 25:13

“Iya pathumuken̯i, mena lyokutya etango nowola kamu i i.

Lukas 21:34

“Iya liyungen̯i, omienyo vyen̯i hávi ulithwa komalyaalyo nokepyalu nokounkolwe nokotjiho tjovikulya, etango ndyoka ahamali mu vadha ontukuluka ngomoo.

Lukas 21:36

Iya apehe kalen̯i amwa pathumuka n̯e mu kumbe, opo mu mona odhonkono okuyepa ovipuka mbyoka avihe mbimavi ka ningwa, nokukulama ontali kotjipala tjOmuna wOmuntu.”

Ovaroma 13:11

Iya hehi tji ningen̯i, mena lyokutya otembu mu i i, okutya owola yokwiimuka po molupot̯i ye thiki. Napano ehupitho lyetu li li popedhi okupon̯a nahi hitwa uta okwiitavela.

1 Ovakorinto 16:13

Pathumuken̯i, n̯e mu kole meitavelo. Vandhipalen̯i, mu kale amwa kolo.

1 Ovatessalonika 5:6

Iya hátu lala ngavamo, ngatu pathumuken̯i, tu liyunge.

1 Petrus 4:7

Ehulilo lyovipuka avihe li li popedhi. Lungamen̯i, mu liyunge nawa, opo mu tjiiwe okukumba.

1 Petrus 5:8

Liyungen̯i, mu pathumuke. Ondjedhi yen̯i, omudiapoli, u mu kondoloka otjo ma popi ngonkeyama amai hala okukambula himai hala okulya.

Eholololo 16:15

“Taa tuutuu, ame me ya ngotjimpulu, omunalao onguma pathumuka, ha takametha omidhalo vye, opo há ende nyahinya, ye a t̯e ohon̯i movipathi vyovantu avehe.”