Mateus 24:4 - Etestamende Epe Moludhimba

⁴ Jesus we ve yaka ha tyaa: “Lungamen̯i, hámu pukithwa komuntu noumo.

Mateus 24:4 Iomraidhean Croise

Markus 13:22

Iya maku ke ya oomessias wovithithi novaprofeti wovithithi, mava ka ninga omatangan̯eko novilingakumithi okupukitha ovaholowolwa, andaa matji tjiiwa.

Lukas 21:8

Jesus we ve heela ha tyaa: “Lungamen̯i, ahamamu pukithwa, iya ovantu ovengi mave ke ya nena lyandje, wo have lityaa: ‘Aame,’ vamo hava tyaa: ‘Otembu ye thiki.’ Iya hámu ve landula.

Ovagalati 6:3

Andaa pe na ngume litanga, ye ahe na mpae li, okutya omuntu ngoka me likembele po.

Ovaefeso 4:14

Iya kaatu ngala uke odhondele mbava tjindwa kodhombepo kwalukele dhomalongo nodhomatutu ovantu okulilungametha novineya vyokukemba.

Ovaefeso 5:6

Hámu yetha omuntu e mu pukithe nodhondaka dhovithithi. Iya mena lyovipuka hembi ovivi oluyuma lwaKalunga malu ya kovantu mbahava tee.

Ovakolossa 2:18

Ondjambi yen̯i youton̯i hámu i nyekwa komuntu nokanunu, nguu hala okulinunupika nokuundapela ovaengeli nokulitumbalekela omamoneko nokulithelela odhondunge dhe dhountu.

Ovakolossa 2:8

Lungamen̯i, ahamamu pukithwa komuntu nokanunu ne kodhondunge dhoufilosofi wountu novikembo vala. Odhondunge ndhoka dha kulama modhonteto dhovantu nomodhombepo ndhoka ndhii tumina mouye, kadhi dhile muKristus.

2 Ovatessalonika 2:3

Hámu pukithwa komuntu nokanunu, mena lyokutya okutjuna mon̯ima oko maku ya olutenga, omuntu omulundhi, ngwaa thele okukeka ma ka hololoka,

1 Johannes 4:1

Vahivilikwa, hámu itavele ombepo aihe, iya thongononen̯i odhombepo andaa dha dha kuKalunga, mena lyokutya ovaprofeti ovengi wovithithi va handjana nouye.