Mateus 22:16 - Etestamende Epe Moludhimba

¹⁶ Iya ve mu tumina ovalongwa vawo pamo namboka mbava ama kuHerodes, hava tyaa: “Mulongethi, tu tji i okutya oove owatjatjili, ove u longa ondjila yaKalunga otjatjili, ku na tja nomuntu, mena lyokutya ove ku tala otjipala tjomuntu.

Mateus 22:16 Iomraidhean Croise

Mateus 22:24

hava tyaa: “Mulongethi, Moses we tu heela okutyaa: ‘Andaa omulumentu wa t̯i, atjaa ahama thii po odhondele, omukulwe ne omunitje nga kupe omuhepe womukulwe ne womunitje, e mu yumukile oluyumuko.’

Mateus 22:26

Otjo tja ningwa wo komutyavali nomutyatatu katee naa avehe epanduvali va pu po.

Mateus 26:18

Ye we ve heela ha tyaa: “Enden̯i kotjitungwalongo komulumentu umo, mu mu heele mu tyee: ‘Omulongethi ma tya otembu yandje ye thiki, me ya okulila Opaasa monganda yoye pamo novalongwa vandje.’ ”

Mateus 26:49

Judas wa ya kuJesus dhivadhiva, ha tyaa: “Rabbi, iyaa!” We mu hupita.

Markus 10:17

Jesus hiaa utu okuya nondjila ye, etele limo lye mu dhamukila, hali twike odhongolo kotjipala tje, hali tyaa: “Mulongethi omuwa, mba thele okuninga tji, ndji mone omwenyo waapehe?”

Markus 12:13

Iya wo ve mu tumina Ovafarisai vamo namboka mbava ama kuHerodes, ve mu tele modhondaka.

Markus 12:14

Iya ve ya, have mu heele hava tyaa: “Mulongethi, tu tji i okutya oove owatjatjili, ku na tja nomuntu, mena lyokutya ove ku tala otjipala tjomuntu, iya u longa ovantu ondjila yaKalunga otjatjili. Tja vyuuka tuu okuyandja elilimo komukesari ne hatjo? Ngatu yandje ne hátu yandja?”

Markus 3:6

Ovafarisai va pita mo mosinagoga, hava utu dhivadhiva okutompola novantu mboka mbava li ava ama kuHerodes, opo ve tjiiwe okudhipaa Jesus.

Markus 8:15

Jesus we ve ilikin̯a ha tyaa: “Lungamen̯i, n̯e mu tale nawa ontathi yOvafarisai noyaHerodes.”

Lukas 20:21

Ovatjungili va heela Jesus hava tyaa: “Mulongethi, tu tji i okutya u popya, ove u longa otjatjili, ove ku tala otjipala tjomuntu, u longa ondjila yaKalunga otjatjili.

Lukas 7:40

Jesus we mu yaka ha tyaa: “Simon, ndji na hime hala oku ku heela.” Simon ha tyaa: “Mulongethi, popya.”

Johannes 14:6

Jesus we mu heela ha tyaa: “Aame ondjila notjatjili nomwenyo. Kape na tja ngume ya kuTate, ahama pitile mwaame.

Johannes 18:37

Pilatus we mu pula ha tyaa: “Oove ohamba nan̯i?” Jesus we mu yaka ha tyaa: “U li mondjila himo tya ndjihamba. Otjo mba yumukilwa, tjo otjo mbe dhila mouye hembu, opo ndji popye otjatjili. Auhe nguu li motjatjili, ma nteelele.”

Johannes 7:18

Omuntu ngoka ngume lipopi, ma taendha etumbalo lye omwene, iya nguma taendha etumbalo lyangoka ngwee mu tuma, owatjatjili, muye kamu na ovithithi.

2 Ovakorinto 2:17

Iya nt̯e katu ngala ovantu vamo mbava tjingitha odhondaka dhaKalunga. Nt̯e twa tumwa kuKalunga, tu teetha mena lyaKristus motjatjili, tu li movipathi vyaKalunga.

2 Ovakorinto 4:2

Iya nt̯e twa yetha ovipuka avihe vyomeholamo ovit̯ithahon̯i, iya kaatu lungamene, ne okupidhidhika odhondaka dhaKalunga, iya matu popi otjatjili, hatu lihololola kelityoo lyomuntu auhe kotjipala tjaKalunga.

2 Ovakorinto 5:16

Iya napano kape na tja uke ngutu i monkalo yountu, nandaku tiwa twa ivilwe Kristus monkalo yountu, iya napano katu mu i uke nyahoka.

Ovagalati 1:10

Iya napano ame nge taendhe himatji hulukitha ovantu ne ohimatji hulukitha Kalunga? Andaa nan̯i me hulukitha vala ovantu, himupika waKristus.

Ovagalati 2:6

Iya ovaviyuli mboka okutya va li vi, hatjipuka tjandje. Kalunga ka tala otjipala tjomuntu. Mboka kave na hiva mbwedha otjipe.

1 Ovatessalonika 2:4

Iya ngahi twa tambulwa kuKalunga, hatu liun̯ikilwa okuteetha ondaka ombwa, kaatu popi himatji hulukitha ovantu, iya oKalunga nguu thongonona omitima vyetu.

Jakob 3:17

Ounongo mbuu dha kombanda, olutenga wa kohoka, u na ouwa, u na olukeno noupanga, we yula onkenda novilinga oviwa, kau na tja omalimbililo ne ovineya.

1 Johannes 5:20

Nt̯e tu tji i okutya OmunwaKalunga we ya, he tu pa etyeeko, opo tu iwe Kalunga katjatjili. Nt̯e tu li muye nguu li owatjatjili, mOmuna Jesus Kristus. Oye e li Kalunga katjatjili, nomwenyo waapehe.