Mateus 22:13 - Etestamende Epe Moludhimba

¹³ Iya ya heela ovantu vayo hai tyaa: ‘Mu kuten̯i komawoko nokomakulu, n̯e mu mu yumbe kotjila met̯iku, moka mumamu ka kala otjililo nelikweyo lyomayoo!’

Mateus 22:13 Iomraidhean Croise

Mateus 12:29

“Ne aan̯i nguma ulu okuya monganda yomulumentu nguu na odhonkono, he mu pundu ovipuka vye? Olutenga nkwai me tji mu kutu, kon̯ima opo ma ulu okupunda onganda ye.

Mateus 13:30

Yethen̯i vala vi kulile mumo katee pokuteya. Iya potembu yokuteya, me ka heela ovateyi, olutenga va ongedhe olwandjandja, ve lu kute ovipandi, lu hikwe po. Iya ovilya ve vi dhile movindhi vyandje.’ ”

Mateus 13:42

Iya mava ka yumbwa mekundungala lyomulilo. Mompuka moka mamu ka kala otjililo nelikweyo lyomayoo.

Mateus 13:50

ovavi have ke ve yumba mekundungala lyomulilo. Mompuka moka mamu ka kala otjililo nelikweyo lyomayoo.”

Mateus 24:51

Omuhona we me mu kapaula, he mu yekelehi, ye he mu pa ondjambi imo novalinomi. Hoka oko maku ka kala otjililo nelikweyo lyomayoo.

Mateus 25:30

Iya omupika hengu omuvi, mu yumben̯i met̯iku pondje, moka mumamu ka kala otjililo nelikweyo lyomayoo.’

Mateus 8:12

Iya ovana wotjilongo tjeulu mava ka yundulilwa pondje met̯iku, moka mumamu ka kala otjililo nelikweyo lyomayoo.”

Lukas 13:28

Hoka maku ka kala otjililo nelikweyo lyomayoo, himamu ka mona Abraham, Isak naJakob novaprofeti avehe motjilongo tjaKalunga, iya n̯e ovene mamu ka yundulilwa pondje.

Johannes 21:18

Ame me ku heele otjatjili okutya hiwa li omudhantu, nahi u likuta omuvya motjivya, ho i humo hala, iya andaa wa kulupa, mo yele omawoko oye, umo he ku kutu, ye he ku twala hoka huhamo hala okuya.”

Ovilinga 21:11

Ye we dhile kunt̯e, ha itha po omuvya waPaulus wokudhalela, he likutu nawo komakulu nokomawoko ha tyaa: “Ombepo Ondhilikwa mai tyaa: ‘Omwene womuvya hembu otjo ma ka kutwa hinyahi kOvajuda womoJerusalem, wo mave ke mu yandja momawoko ovapaani.’ ”

Ovilinga 7:54

Ovanene wOtjoongi hiva tee odhondaka dhaStefanus, dhe ve t̯itha outheno, hadhi ve yumanetha.

2 Ovatessalonika 1:9

Ovantu mboka mava ka vadhwa koluyuma lwehan̯auno lyaapehe, ndyoka ndimali ke ve yapula kuMuhona noketumbalo lyodhonkono dhe.

2 Petrus 2:17

Ovantu hemba va ngala odhothimo ndhaa tena, ndhihadhi na omeva, va ngala omakaka ngaa ithwa ko kombepo. Kalunga me ve longekedhele oluvedhe met̯iku lyat̯ukut̯uku.

2 Petrus 2:4

Iya Kalunga ka yethele ovaengeli mboka mbava lundha, we ve yumaneka, he ve yumbu menkomototo ava kutwa nomalyenge, va takamethwe katee ketango lyekoyo.

Judas 1:13

Wo va ngala omakuthikuthi elunga, ovilinga vyawo vyohon̯i vi ngala etutu amali tutuma. Wo va tenaunuka ngodhonyothi ndhaa ungulilwa et̯iku lyaapehe.

Judas 1:6

Ovaengeli mboka mbahava kambulithile oulombe wawo, hava thii po omalukalo awo, Muhona we ve yedhilila met̯iku, modhonkuto dhaapehe, va takamethwe katee ketango ndyoka enene lyekoyo.

Eholololo 21:27

Iya soka hitja sila kaatji hiti mo nokanunu. Auhe nguu undapa ovilinga mbii toyetha kaa hiti mo ne nguu popya ovithithi. Mamu hiti vala mbava sonekwa membo lyomwenyo lyOndjona.