Mateus 20:8 - Etestamende Epe Moludhimba

⁸ “Iya okawiiwii hika wile pohi, omwene wotjuundo wa heela omuntu we, omuviyuli, ha tyaa: ‘Ithana ovaundapi, u ve pe othuto, uta nambave ya kon̯ima katee kumbave ya olutenga.’

Mateus 20:8 Iomraidhean Croise

Mateus 20:7

Ve mu yaka hava tyaa: ‘Kape na ngwee tu kongo.’ Ye we ve heela ha tyaa: ‘Nan̯e wo enden̯i kotjuundo tjandje tjomivinyu.’

Mateus 20:9

Iya mbave ya pontano, hive ya, va pewa auhe ondenari imo.

Mateus 25:19

“Iya hipa piti olule, omuhona wovapika wa tjuna, ha hava pamo nawo otjihavelo tjovitalenti.

Mateus 25:31

“Iya Omuna wOmuntu hime ya metumbalo lye novaengeli ve avehe, ma ka kala pohi kotjipunditumino tjetumbalo lye.

Lukas 10:7

Monganda moka ngamo mu kala, mu lye, n̯e mu nwe soka himave mu pa, mena lyokutya omuundapi wa thele okupewa ondjambi ye. Hámu dhamauka nodhonganda.

Lukas 12:42

Muhona we mu heela ha tyaa: “Iya aan̯i omuyungi wonganda omuliun̯ikwa nguu na odhondunge ngwaa pewa okuyunga ovapika womuhona we, e ve pe odhondya powola yokulya?

Lukas 8:3

Johanna, omukadhintu waKusa, osekulu yaHerodes, Susanna novakwawo ovengi mboka mbava yandja emona lyawo okupopila Jesus novalongwa ve.

2 Ovakorinto 5:10

Iya atuhe matu ka hololoka kotjipala tjotjipunditumino tjaKristus, opo omuntu auhe a pewe soka hiaa undapa, tainkolo a li molutu kutya otjiwa ne otjivi.

Titus 1:7

Iya omunene weongalo nguma t̯ile otjiho eongalo lyaKalunga, kaa thele okukala nombedhi, hamulinomi, hawokuyumana dhiva, hankolwe, hampuhi, hamunyeki movineya.

Ovaheberi 9:28

Iya naKristus wo wa yambwa otjikando tjimo, opo a ithe po odhonkali dhovengi. Iya me ke ya otjikando otjityavali, hakuya okwiitha po odhonkali, iya ma ka etela ehupitho mboka mbave mu kevelela.

1 Petrus 4:10

Omuntu auhe nga undapethe otjali soka hiaa pewa kuKalunga okupopila natjo ovakwawo ngahi matji thevelwa ovayungi ovawa wokuyunga otjali tjaKalunga hitji lili nahitji lili.