Mateus 2:2 - Etestamende Epe Moludhimba

² hava tyaa: “Ohamba yOvajuda ndjaa yumukwa napano i li pi? Onyothi ye twe i mono hiya tumbu koutjilo, twe ya okuliyongamena kuye.”

Mateus 2:2 Iomraidhean Croise

Mateus 2:3

Ohamba Herodes hiee tji tee, wa li aa tila, nOvajerusalema wo avehe va li ava tila.

Mateus 21:5

“Heelen̯i tjaSion mu tyee: ‘Taa tuutuu, Ohamba yoye mai ya kwoove, aye linunupike, aya kavile kombulu, iya ombulona yombulu ndjii undapethwa.’ ”

Mateus 27:11

Jesus wa kulama kotjipala tjomutumini. Omutumini we mu pula ha tyaa: “Oove ohamba yOvajuda?” Jesus we mu yaka ha tyaa: “Iinga, otjo ngahi wa popi.”

Lukas 19:38

hava tyaa: “Ohamba ngume ya mena lyaMuhona nga tumbalekwe, ouwa ngau kale meulu, netumbalo kombandambanda.”

Lukas 2:11

Ndino hendi mwa yumukilwa Omuhupithi mondolopa yaDavid, oye e li Messias, Muhona.

Lukas 23:3

Pilatus we mu pula ha tyaa: “Oove ohamba yOvajuda?” Jesus wa yaka ha tyaa: “Iinga, otjo ngahi wa popi.”

Lukas 23:38

Kombanda yomutwe kwa li esoneko ndyaa sonekelwe hinyahi: “Hengu Ohamba yOvajuda.”

Johannes 1:49

Natanael we mu yaka ha tyaa: “Rabbi, oove OmunwaKalunga! Oove ohamba yaIsrael!”

Johannes 12:13

Iya va itha omavale kovivale, hava i oku ke mu wan̯a. Wo va wololoka hava tyaa: “Hosianna! Nga tumbalekwe hengu ngume ya mena lyaMuhona, ohamba yaIsrael!”

Johannes 18:37

Pilatus we mu pula ha tyaa: “Oove ohamba nan̯i?” Jesus we mu yaka ha tyaa: “U li mondjila himo tya ndjihamba. Otjo mba yumukilwa, tjo otjo mbe dhila mouye hembu, opo ndji popye otjatjili. Auhe nguu li motjatjili, ma nteelele.”

Johannes 19:19

Pilatus wa soneka wo odhondaka dhomutwe, ye he dhi twaa komutjaakano waJesus. Dha sonekelwe hinyahi: “Jesus Omunasareta, Ohamba yOvajuda.”

Johannes 20:28

Tomas we mu yaka ha tyaa: “Muhona wandje! Kalunga kandje!”

Johannes 5:23

ovantu avehe opo va tumbaleke Omuna, ngahi mava tumbaleke Ihe. Ngoka nguhama tumbaleke Omuna, kaa tumbaleke Ihe, ngoka ngwee mu tuma.

Johannes 9:38

Omulumentu wa yaka ha tyaa: “Muhona, mba itavele.” Wa twika odhongolo kotjipala tjaJesus.

Ovaheberi 1:6

Iya Kalunga hiaa tuma Omuna, tjiveli tje, mouye, wa popya ha tyaa: “Ovaengeli vaKalunga avehe ngave mu tumbaleke.”

Eholololo 22:16

“Aame Jesus, mba tuma omweengeli wandje, e mu hipululile ovipuka mbyoka momaongalo. Aame ontekulona yomoluyumuko lwaDavid, onyothi yomuhuka ndjii laima.”