Mateus 2:12 - Etestamende Epe Moludhimba

¹² Kalunga hiee ve londola mondjodhi okutya ahamava tjuna uke kuHerodes, va ya nondjila imo yokuya kotjilongo tjawo.

Mateus 2:12 Iomraidhean Croise

Mateus 1:20

Iya Josef tainkolo wa li ama soko nyahi, omweengeli waMuhona we liholololela ye mondjodhi, ha tyaa: “Josef, ntekulona yaDavid, hó tila okweeta Maria a ile omukadhintu woye, mena lyokutya out̯imba hembu mbwee na wo owOmbepo Ondhilikwa.

Mateus 2:13

Ovanongo wokoutjilo hiva i, omweengeli waMuhona we liholololela Josef mondjodhi, ha tyaa: “Kulama, itha ondele naina, u ka inkolele koEgipiti, u ka kale hoka katee me ke ku heela, mena lyokutya Herodes u li po ama soko okutaendha ondele, e mu dhipae.”

Mateus 2:19

Iya Herodes hiaa t̯i, omweengeli waMuhona we liholololela Josef mondjodhi moEgipiti,

Mateus 2:22

Iya Josef hiaa tee okutya Arkelaus oye a vyaala Judea poluvedhe lwaihe Herodes, wa li ama tila okuya ko. Wa ya kotjilongo tjaGalilea ngahi a londolwa kuKalunga mondjodhi.

Mateus 27:19

Iya tainkolo Pilatus a li kotjipunditumino, omukadhe we mu tumina elaka ha tyaa: “Omulumentu hengu omuvyuuki. Hó mu ningile ouvi, mena lyokutya otjit̯iku tjandino mba loto ondjodhi ombi ouhunga naye.”

Lukas 2:26

Iya wa heelwa kOmbepo Ondhilikwa okutya kaa t̯i, tainkolo aheya mona Messias yaMuhona.

Ovilinga 10:22

Wo ve mu yaka hava tyaa: “Nt̯e twa tumwa komunene wovakwavita Kornelius. Ye omulumentu omuwa unene omutilikalunga, ngwaa tumbalekwa unene kOvajuda avehe. Wa heelwa komweengeli omudhilikwa memoneko e ku ithane, u ye konganda ye, a tyee soka hiuu na tjo, u mu heele.”

Ovilinga 4:19

Iya Petrus naJohannes ve ve yaka hava tyaa: “Tokolen̯i vala n̯e ovene, andaa kotjipala tjaKalunga hitja vyuuka okutyaa kun̯e ne okutyaa kuKalunga.

Ovilinga 5:29

Iya Petrus novayapostoli ovakwawo ve ve yaka hava tyaa: “Nt̯e twa thele okutyaa kuKalunga, hakutyaa kovantu.

1 Ovakorinto 3:19

Iya ounongo wouye hembu, kotjipala tjaKalunga owoova, mena lyokutya kwa sonekwa okutya: “Kalunga wa kambula ovanongo, tainkolo mave litya va lungama.”

Ovaheberi 11:7

Eitavelo olyo lya undapetha Noa, a tyee omalondolo aKalunga ngamaa popi ovipuka mbyoka mbimavi ke ya, ye mbiha ulile okumona. Noa wa tyaa kuKalunga, ha tungu ondjuwowato, moka mwaa hupila pamo nonganda ye. Iya eitavelo lye olyo lye mu ninga okutya a koye ouye, ye ha pewa ouvyuuki kuKalunga, mboka mbwaa dha meitavelo.

Ovaheberi 8:5

Ovilinga vyouyambethi mbiva undapa, ethano notjidhidhimbe tjasoka hitji li meulu. NgaMoses nawanawa hiaa heelelwe kuKalunga, hiaa li ama tungu esase, Kalunga ha tyaa: “Tala nawa, opo u undape ovipuka avihe ngahi tja li methano ndiwa yulikilwa kondundu.”