Mateus 19:21 - Etestamende Epe Moludhimba

²¹ Jesus we mu yaka ha tyaa: “Andaa mo hala okukala awe lihu po nawa, enda, u ka landethe po emona lyoye, u li yandje kovathona, iya ove u kale nemona meulu, tjau ove u ye, u ndandule.”

Mateus 19:21 Iomraidhean Croise

Mateus 16:24

Iya Jesus wa heela ovalongwa ve ha tyaa: “Andaa pe na nguma hala okundandula, nge lidhimbe ye omwene, ye a tjinde omutjaakano we, a ndandule.

Mateus 19:20

Etele lya heela Jesus hali tyaa: “Ovipuka avihe hembi mbe vi takametha. Otjitji uke himba kambetha?”

Mateus 19:22

Etele hilya tee odhondaka ndhoka, lya dha po alya etetha onkenda, mena lyokutya lya li nemona en̯ingi.

Mateus 19:28

Jesus we ve heela ha tyaa: “Ame me mu heele otjatjili okutya Omuna wOmuntu hima ka kala pohi kotjipunditumino tjetumbalo lye mouye mbumau ya, nan̯e wo mbamwa ndandula mamu ka kala pohi kovipunditumino omulongo navivali okukoya omaanda omulongo naavali aIsrael.

Mateus 4:19

Jesus we ve heela ha tyaa: “Ndandula ndjen̯i, ame me mu ningi ovahwee wovantu.”

Mateus 5:48

Iya hwilen̯i po ngaIho owomeulu hiaa hwila po.

Mateus 8:22

Jesus we mu heela ha tyaa: “Ndandula ndje, yetha ovat̯e va pake ovat̯e vawo.”

Mateus 9:9

Jesus hiaa dhi hoka, wa mona omuntu nguu tiwa oMateus, aa kala pohi pombonge yokuthendelela elilimo. Jesus we mu heela ha tyaa: “Ndandula ndje.” Mateus wa kulama, he mu landula.

Markus 10:21

Jesus we mu tala, he mu hopo, he mu heele ha tyaa: “Wa kambetha po otjipuka tjimo. Enda, u ka landethe po ovipuka vyoye avihe mbyuu na vyo, ove u vi yandje kovathona, iya ove u kale nemona meulu, tjau ove u ye, u ndandule.”

Markus 2:14

Iya hiaa hweene komeho, wa mona Levi yaAlfeus, aa kala pohi pombonge yokuthendelela elilimo. Jesus we mu heela ha tyaa: “Ndandula ndje!” Levi wa kulama, he mu landula.

Markus 8:34

Iya wa ithana owingi wovantu novalongwa ve, ve ye kuye, iya we ve heela ha tyaa: “Andaa pe na nguma hala okundandula, nge lidhimbe ye omwene, ye a tjinde omutjaakano we, a ndandule.

Lukas 12:33

Landethen̯i po omamona en̯i, n̯e mu e yandje kovathona. Litaendhelen̯i oundjato wodhombongo mbuhamau kulupa nemona meulu ndihali hulu, moka muhamu i ovimpulu, mo muhamu tukwa kotundu.

Lukas 14:33

Iya auhe owomun̯e nguhama yetha ovipuka vye avihe mbyee na vyo, kaa ulu okukala omulongwa wandje.

Lukas 16:9

Jesus wa twikila ko ha tyaa: “Ame me mu heele okutya litaendhelen̯i omapanga nemona lyouye hembu. Emona hendi andaa lya hulu, mamu ka tambulwa modhonganda dhaapehe.

Lukas 18:22

Jesus hiee tji tee, we mu heela ha tyaa: “Wa kambetha po otjipuka tjimo. Enda, u ka landethe po ovipuka vyoye avihe mbyuu na vyo, ove u vi yandje kovathona. Iya ove u kale nemona meulu, tjau ove u ye, u ndandule.”

Lukas 5:27

Iya kon̯ima yovipuka hembi Jesus wa ya pondje, ha mono po omuthendelethi nguu tiwa oLevi, aa kala pohi pombonge yokuthendelela elilimo. Jesus we mu heela ha tyaa: “Ndandula ndje.”

Lukas 6:40

Omulongwa ka pon̯ene omulongethi we, ngwaa pwa okulongwa, oye e lithike pomulongethi we.

Lukas 9:23

Iya Jesus we ve heela avehe ha tyaa: “Andaa pe na nguma hala okundandula, nge lidhimbe ye omwene, ye a tjinde omutjaakano we etango alihe, a ndandule.

Johannes 10:27

Odhondhu dhandje dhi tyaa ondaka yandje, ndji dhi i, dho dhi ndandula.

Johannes 12:26

Kwalukele ngoka nguma ndjundapele, nga ndandule, ame hundji li, omuntu wandje oko ma ka kala wo. Tate ma ka tumbaleka kwalukele ngoka nguma ndjundapele.

Ovilinga 2:45

Iya wo va landetha po ovipuka vyawo nomamona awo, have liyandjele odhombongo, auhe ha pewa ngahi ma hepa.

Ovaheberi 10:34

Iinga, iya mwa ihamekwa pamo nodhonkwatwa, hamu likambulithile nehuluko himwa pundwa omamona en̯i. Iya omena lyokutya mu tji i okutya mu na tjimo otjiwa hihamatji anda.