Mateus 17:12 - Etestamende Epe Moludhimba

¹² Iya me mu heele okutya Elia we ya ae lukulu, atjaa kave mu konekele, ve mu ninga ngahi mava hala, Omuna wOmuntu otjo ma ka tatethwa kuwo.”

Mateus 17:12 Iomraidhean Croise

Mateus 11:2

Iya Johannes mokaliwoso hiaa tee ovilinga vyaKristus, wa tuma ko ovalongwa ve, ve ke mu pule va tyee:

Mateus 16:21

Okudha mpoka Jesus wa uta okuthitululila ovalongwa ve okutya u tha okuya koJerusalem, a ka tatethwe omatatetho omengi kovanene nokovayambethi ovanene nokovalongiveta. Ye ma ka dhipawa, iya etango etyatatu ma ka imunwa kout̯e.

Mateus 17:11

Jesus we ve yaka ha tyaa: “Iinga, Elia me ya, ha twaa ovipuka avihe pomalukalo.

Mateus 17:13

Ovalongwa va tyaa okutya me ve heele ouhunga naJohannes Omutjatji.

Mateus 17:22

Jesus novalongwa ve hive ya pamo moGalilea, we ve heela ha tyaa: “Omuna wOmuntu ma ka yandjwa momawoko ovantu,

Mateus 17:9

Iya hiva li amava heluka kondundu, Jesus we ve ilikin̯a, ha tyaa: “Emoneko hendi hámu li heele omuntu nokanunu, tainkolo Omuna wOmuntu héya imunwa kout̯e.”

Mateus 21:32

Iya Johannes we ya kun̯e oku mu yulikila ondjila youvyuuki, atjaa n̯e kamu mu itavelele. Iya ovathendelethi nomakunga ve mu itavela. Iya kon̯ima himwe tji mono, kamu liteyululile, n̯e hiaa popya kamu tji itavelele.”

Mateus 8:20

Jesus we mu heela ha tyaa: “Odhombandje dhi na omalungi, novidhila vyokeulu vi na oviyuwo, iya Omuna wOmuntu ke na mpama thuvitha omutwe we.”

Lukas 7:33

Iya Johannes Omutjatji hiee ya, ka lile omungome, ye ka nwine ovinyu, n̯e hamu tyaa: ‘U na ondemoni.’

Johannes 1:11

Ye we ya kowoyawo, nowoyawo kave mu tambulile.

Ovilinga 2:23

Kalunga omwene we tji soka ae lukulu, ye he tji tokola okutya Jesus ma yandjwa momawoko en̯i, on̯e mwe mu yandja momawoko ovantu mbahave i oveta yaMoses, hamu mu papeletha komutjaakano, hamu mu dhipaetha.

Ovilinga 4:10

tji iwen̯i nawa amuhe otjiwan̯a tjaIsrael atjihe okutya omulumentu nguu li kovipala vyen̯i wa velulwa mena lyaJesus Kristus Omunasareta, ngumwa papela komutjaakano, Kalunga we mu imuna kout̯e.

Ovilinga 7:52

Aan̯i omuprofeti nguha tatethelwe kowoihoombwale? Owoihoombwale va dhipaa ovatumwa vaKalunga, mboka mbava popya ouhunga nokuya kwOmuvyuuki waKalunga, ngumwa weleleka, hamu mu dhipaa.