Mateus 16:16 - Etestamende Epe Moludhimba

¹⁶ Simon Petrus we mu yaka ha tyaa: “Oove Messias, OmunwaKalunga omunamwenyo.”

Mateus 16:16 Iomraidhean Croise

Mateus 1:16

Iya Jakob wa yumuka Josef, omulumentu waMaria, Maria wa yumuka Jesus nguu tiwa oMessias.

Mateus 14:33

Ovantu mbava vadhwa mowato, ve mu tumbaleka hava tyaa: “Otjatjili ove uMunwaKalunga.”

Mateus 16:15

Ye we ve pula ha tyaa: “Iya n̯e mu ntya, aame an̯i?”

Mateus 26:63

Iya Jesus wa nyima vala. Omuyambethi omunene we mu heela ha tyaa: “Me ku anetha Kalunga omunamwenyo. Tu heela andaa oove Messias OmunwaKalunga.”

Mateus 27:54

Omunene wovakwavita namboka mbava li amava yungu pamo naye, hiva mono eteketo lyohi novipuka avihe mbyaa ningwa po, va li ava tila unene, hava tyaa: “Omuntu hengu otjatjili wa li OmunwaKalunga.”

Mateus 4:3

Omutyolethi we ya kuye, he mu heele ha tyaa: “Andaa oove OmunwaKalunga, heela omawe henga, a tjituke omingome.”

Markus 14:61

Iya Jesus wa nyima vala, ke mu yakele. Omuyambethi omunene we mu pula uke ha tyaa: “Oove u li Messias, Omuna wOmutumbalekwa?”

Lukas 2:11

Ndino hendi mwa yumukilwa Omuhupithi mondolopa yaDavid, oye e li Messias, Muhona.

Johannes 1:49

Natanael we mu yaka ha tyaa: “Rabbi, oove OmunwaKalunga! Oove ohamba yaIsrael!”

Johannes 11:27

Marta wa yaka ha tyaa: “Iinga, Muhona, mba itavela okutya oove Messias, OmunwaKalunga, ngukwa tiwa me ya mouye.”

Johannes 20:31

Iya hembi vya sonekwa, opo mu itavele okutya Jesus oye e li Messias, OmunwaKalunga, andaa mwa itavele muye, mamu kala amu na omwenyo.

Johannes 6:57

NgaTate ngwaa ntuma hiee na omwenyo, naame wo ndji na omwenyo mena lye, nanguma li olutu lwandje, ma kala nomwenyo mena lyandje.

Johannes 6:68

Simon Petrus we mu yaka ha tyaa: “Muhona, matu i kwaan̯i? Ove u na odhondaka dhomwenyo waapehe.

Johannes 6:69

Nt̯e twa itavela, ye tu tji i okutya oove Omudhilikwa waKalunga.”

Ovilinga 14:15

“Valumentu n̯e, otjitji himamu ningi nyahoka? Nt̯e tuvantu ngan̯e! Nt̯e twe ya oku mu teethela ondaka ombwa okutya mu yethe ovipuka mbihavi na tjilinga, n̯e mu itavele muKalunga omunamwenyo, ngoka ngwaa uta eulu nohi nelunga nahitji li mo atjihe.

Ovilinga 8:36

Iya tainkolo va li amava ende mondjila, ve ya pompuka mpape na omeva. Osekulu ya heela Filippus hai tyaa: “Omeva hoonga! Otjitji himatji ntjaele okutjatjwa?”

Ovilinga 8:37

[Filippus we mu yaka ha tyaa: “Kape na himatji ku tjaele, andaa wa itavele nomwenyo woye auhe.” Osekulu ye mu yaka hai tyaa: “Mba itavele okutya Jesus Kristus oye e li OmunwaKalunga.”]

Ovilinga 9:20

Wa vyuukilila kodhosinagoga, ha teethele ovantu okutya Jesus oye e li OmunwaKalunga.

Ovaroma 1:4

iya ye monkalo yOmbepo youdhilikwa, hiaa imunwa kout̯e, wa yulikwa kodhonkono odhonene okutya Jesus Kristus, Muhona wetu, oye e li OmunwaKalunga.

2 Ovakorinto 1:19

Iya OmunwaKalunga, Jesus Kristus ngutwe mu teethela, nt̯e naSilvanus naTimoteus, haye e li “Iinga” na “Aai,” iya oye e li “Iinga.”

2 Ovakorinto 3:3

Iya mwa yulika okutya mumukanda waKristus, mbwaa t̯ilwa otjiho kunt̯e. Kau sonekelwe nohinga, iya wa sonekwa nOmbepo yaKalunga omunamwenyo. Kau sonekelelwe kovipelende vyomawe, iya okovipelende vyomomitima vyovantu.

2 Ovakorinto 6:16

Otempeli yaKalunga i na oukumo watji novikalunga? Iya nt̯e tutempeli yaKalunga omunamwenyo, Kalunga ngahi a popya ha tyaa: “Ame me ka kala puwo, me ka enda mokati kawo. Ame me ka ila Kalunga kawo, wo mava ka ila ovantu vandje.”

1 Ovatessalonika 1:9

Ovantu ovene va hipulula, himwe tu tambula nahimwa yetha ovikalunga, hamu ya okuundapela Kalunga katjatjili omunamwenyo

1 Timoteus 3:15

opo andaa hí dhile dhiva, omukanda hembu u ku heele hitu tha okukala monganda yaKalunga. Onganda hendji oyo i li eongalo lyaKalunga nguu na omwenyo, ndii li ongundhi nekulameno lyatjatjili.

1 Timoteus 4:10

Nt̯e matu undapa unene amatu kondjo, mena lyokutya nt̯e twe liun̯ika muye nguu li Kalunga omunamwenyo. Kalunga oye e li Omuhupithi wovantu avehe, unene tuu mboka mbava itavela muye.

Ovaheberi 10:31

Tjitilitha okuwila momawoko aKalunga omunamwenyo.

Ovaheberi 12:22

Iya n̯e mwe ya kondundu yaSion nokoJerusalem tjomeulu, kotjitungwalongo tjaKalunga omunamwenyo, hitji na ovaengeli omayovi nomayovi omengi.

Ovaheberi 3:12

Vakwetu! Lungamen̯i, háku kala omuntu noumo mun̯e nguma kala nomutima omuvi mbumau yetha eitavelo, ye ha yetha Kalunga omunamwenyo.

Ovaheberi 9:14

Iya unene ombindhi yaKristus ya hula, mai kohola omalityoo etu kovilinga ovivi, opo tu undapele Kalunga omunamwenyo. Iya Kristus we liyamba omwene kuKalunga kodhonkono dhombepo yaapehe, a ile eyambo ndihali na ombedhi.

1 Johannes 4:15

Nguma hipulula okutya Jesus OmunwaKalunga, Kalunga ma kala muye, naye ma kala muKalunga.

1 Johannes 5:20

Nt̯e tu tji i okutya OmunwaKalunga we ya, he tu pa etyeeko, opo tu iwe Kalunga katjatjili. Nt̯e tu li muye nguu li owatjatjili, mOmuna Jesus Kristus. Oye e li Kalunga katjatjili, nomwenyo waapehe.

1 Johannes 5:5

Aan̯i nguma ton̯a ouye, andaa haye ngoka nguma itavele okutya Jesus oye e li OmunwaKalunga?

Eholololo 7:2

Mba mona omweengeli omukwawo ama dhi nokoutjilo, wa li notjilimbo tjaKalunga omunamwenyo. Wa wololokela ovaengeli mboka vane, mboka mbava pewa odhonkono okuyona ohi nelunga,