Mateus 13:23 - Etestamende Epe Moludhimba

²³ Iya ombuto ndjaa kunwa pohi ombwa, i ngala omuntu ngoka nguma tee odhondaka dhaKalunga, he dhi tambula, oye a ngala ombuto ndjimai mene, ovilya havi kwata, vimo ethele, vimo omilongo epandu, vimo omilongo vitatu.”

Mateus 13:23 Iomraidhean Croise

Mateus 12:33

“Omuti andaa omuwa, novinyango vyawo oviwa, ne andaa omuti omuvi, novinyango vyawo ovivi, mena lyokutya omuti u dhimbukilwa kovinyango vyawo.

Mateus 13:8

Iya dhimo dha wila pohi ombwa, ovilya havi kwata, vimo ethele, vimo omilongo epandu, navimo omilongo vitatu.

Mateus 3:10

Onkava ya tuwa ae pethina lyomuti. Omuti auhe mbuhau ma ovinyango oviwa, mau kewa po, hau yumbwa momulilo.

Mateus 3:8

Iya undapen̯i ovipuka mbimavi yulike okutya mwe liteyulula.

Markus 10:15

Ame me mu heele otjatjili okutya nguhama tambula otjilongo tjaKalunga ngokalele, kaa i mo.”

Markus 4:20

Ovantu mboka mbamava tee odhondaka dhaKalunga, wo have dhi tambula, owo va ngala ombuto ndjaa kunwa pohi ombwa, ovilya havi kwata: Vimo omilongo vitatu, vimo omilongo epandu, vimo ethele.”

Lukas 13:9

Andaa ombula ndjimai ya, mau ma, onawa. Iya andaa kaau ma, tjau u tetwe po.’ ”

Lukas 8:15

Ndhoka ndhaa kunwa pohi ombwa, dhi ngala ovantu mboka mbamava tee odhondaka dhaKalunga, wo have dhi takametha nomitima omiwa mbihavi na ovithithi, mava eta ouwa mokutakametha kwawo.

Lukas 8:8

Iya dhimo dha wila pohi ombwa, dha mena, ovilya havi kwata ethele.” Jesus hiaa mana okupopya ovipuka hembi, wa popya peulu ha tyaa: “Nguu na omatwi okutyaa, nga tyee!”

Johannes 15:16

Han̯e mwa ntjolowola, iya ame mbe mu holowola, mbe mu holowola mu ende ko, mu ka me ovinyango mbimavi kala ko, opo atjihe himamu kumbu Tate mena lyandje, e mu pe tjo.

Johannes 8:47

Ngoka ngwaa dha kuKalunga, u tyaa odhondaka dhaKalunga. N̯e kaamu tee odhondaka dhaKalunga, mena lyokutya kamu dhile kuKalunga.”

Ovilinga 16:14

Pa li omukadhintu umo nguu tiwa oLidia, ngwaa dhile kotjitungwalongo tjaTiatira, nguu landetha ovitopa ovithilantu vyokalu. Omukadhintu ngoka wa li omutilikalunga, wa li ama teelele, Muhona ha patulula omwenyo we okwiitavela soka Paulus hiaa li ama popi.

Ovilinga 17:11

Ovantu womoBerea va li nehalo unene okwiitavela okupon̯a Ovatessalonika. Wo va hopele okuthongonona omisonekwa, andaa Paulus hima popi otjatjili.

2 Ovakorinto 9:10

Iya Kalunga nguma pa omukuni ombuto yokukuna, oye ma pa omuntu ovikulya, me ke mu pa wo ombuto aihe ndjimamu hepa, ma ka menetha mbimwa kuna, opo vi mu etele ompepela mena lyokuyandja kwen̯i okuwa.

Ovafilippi 1:11

Iya mamu yulithwa ovinyango vyouvyuuki muJesus Kristus okutumbaleketha nokuhivilikitha Kalunga.

Ovafilippi 4:17

Hatjali me hala, iya me hala okutya n̯e ovene mu limonene otjingi, hitja hulu.

Ovakolossa 1:10

okweenda kwen̯i opo ku thevelwe Muhona, mu ninge himatji hulukitha Muhona apehe. Ovilinga vyonkalamwenyo yen̯i avihe mavi ka kala oviwa, okwiiwa kwen̯i Kalunga, maku ile okunene.

Ovakolossa 1:6

ndjee ya kun̯e. Ondaka ombwa mai eta elao, hai handjana wo nouye auhe nawanawa ngahi ya handjana mokati ken̯i okudha ketango ndyoka himwe i tyaa, n̯e hamu iwa et̯ilonkenda lyaKalunga ngahi li li tjatjili,

1 Ovatessalonika 4:1

Iya vakwetu, twe mu heela himu tha okukala, opo mu hulukithe Kalunga. Hehi otjo mu ninga ae. Iya matu mu kumbu, hatu mu vandhipaleke, mena lyaMuhona Jesus mu ninge ngahi mu ninganinga ae.

2 Ovatessalonika 2:10

me ya nokulilungametha huhaku vyuukile okupukitha mboka mbamava ka keka, mena lyokutya kava tambulile ohole yatjatjili yoku ve hupitha.

Ovaheberi 4:2

Iya nt̯e twa tyaa eteetho lyondaka ombwa ngawo wo hive i tyaa. Iya napano eteetho lyondaka ndjiva tyaa, kali na hilye ve popila, mena lyokutya kave i tambulile neitavelo.

Ovaheberi 6:7

Kalunga ma yandja elao kotjana hitji n̯in̯a nawa omeva ombula ndjii loka apehe, hatji etele ovantu mboka mbava lima mo ovilya oviwa.

Ovaheberi 8:10

Iya hendi olyo li li ewaneneno ndime ka ninga nonganda yaIsrael kon̯ima yomatango ngoka, Muhona otjo ma popi. Oveta yandje me ke i twaa momalipulo awo, he ke i sonekela momitima vyawo. Me ka ila Kalunga kawo, nawo mava ka ila ovantu vandje.

2 Petrus 3:18

Kalen̯i amamu kulu met̯ilonkenda lyaKalunga, mu iwe Muhona wetu, Omuhupithi Jesus Kristus. Ye nga tumbalekwe ndino katee apehe. Amen.

1 Johannes 5:20

Nt̯e tu tji i okutya OmunwaKalunga we ya, he tu pa etyeeko, opo tu iwe Kalunga katjatjili. Nt̯e tu li muye nguu li owatjatjili, mOmuna Jesus Kristus. Oye e li Kalunga katjatjili, nomwenyo waapehe.