Mateus 12:15 - Etestamende Epe Moludhimba

¹⁵ Jesus hiee tji nongonoka, wa dha ko hoka. Ovantu ovengi ve mu landula, ye he ve velula avehe.

Mateus 12:15 Iomraidhean Croise

Mateus 10:23

Iya andaa mave ke mu taata mondolopa imo, dhilukilen̯i kwiimo. Me mu heele otjatjili, odhondolopa dhomuIsrael kaamu ke dhi mana ko katee Omuna wOmuntu me ya.

Mateus 19:2

Engundwa enene lyovantu lye mu landula, iya ye oko e ve velulila hoka.

Markus 6:56

Iya apehe mpoka mpaa ya, moulongo ne movitungwalongo ne modhohambo, ovantu va eta ovavedhi vawo pomaonganeno. Wo ve mu kumba, e ve itavele nandaku tiwa okut̯in̯a vala kovilyo vyomudhalo we. Avehe mboka mbave u t̯in̯a va veluka.

Lukas 5:22

Jesus wa iwa soka hiva li amave lipula, we ve pula ha tyaa: “Omena lyatji mamu lipula ovipuka hembi momitima vyen̯i?

Lukas 6:12

Omatango ngenya Jesus wa londa kondundu, a ka kumbe. Wa kala ko out̯iku auhe ama kumbu kuKalunga.

Lukas 9:11

Iya owingi wovantu hiwe tji tee, we mu landula. Jesus we ve tambula, he ve hipululile otjilongo tjaKalunga, ha velula mboka mbava li amava hepa okuvelulwa.

Johannes 11:54

Iya Jesus ka endele uke poluhandja mokati kOvajuda, wa ya kondolopa imo ndjii li popedhi nokuti, ndjii tiwa oEfraim, ye ha kala hoka pamo novalongwa ve.

Johannes 7:1

Kon̯ima yovipuka hembi Jesus wa li ama ende moGalilea. Wa li ahama hala okweenda moJudea, mena lyokutya Ovajuda va li amava hala oku mu dhipaa.

Johannes 9:4

Iya tu tha okuundapa ovilinga vyahengu ngwaa ntuma, tainkolo omutenya. Out̯iku mau ya, iya himau ya, kape na nguma ulu okuundapa.

Ovagalati 6:9

Hátu poyola okuundapa ouwa, mena lyokutya ahatu ulilwe, oluvedhe malu ya lwokuteya.

1 Petrus 2:21

Iya otjipuka hitji li hinyahi, Kalunga otjo e mu ithanena, mena lyokutya Kristus naye wo wa tatethwa mena lyen̯i, we mu thiila otjiholelwa, opo mu landule modhompadhi dhe.