Mateus 11:22 - Etestamende Epe Moludhimba

²² Iya me mu heele okutya Tiro naSidon mavi ka kala hahe oku mu pon̯a metango ndyoka lyekoyo.

Mateus 11:22 Iomraidhean Croise

Mateus 10:15

Ame me mu heele otjatjili okutya otjilongo tjaSodom notjaGomorra mavi ka kala hahe okupon̯a ondolopa ndjoka metango lyekoyo.

Mateus 11:21

“Utatyei, ove Korasin! Utatyei, ove Betsaida! Iya ngaile moTiro nomoSidon omo mwa ningilwa ovilingankono mbyoka mbyaa ningilwa moyen̯i, mbenya ngai ve liteyulula ae lukulu, hava kala pohi modhosaku nomomuto.

Mateus 11:24

Iya me mu heele okutya otjilongo tjaSodom matji ka kala hahe oku mu pon̯a metango ndyoka lyekoyo.”

Mateus 12:36

“Iya me mu heele okutya ondaka aihe, ndjihai na otjilinga, ovantu ndjimava popi mave ke i pulwa etango lyekoyo.

Lukas 10:14

Iya Tiro naSidon mavi ka kala hahe oku mu pon̯a metango ndyoka lyekoyo.

Ovaheberi 2:3

Iya nt̯e matu inkolo vi, andaa nan̯i katu na ko natja nehupitho enene ndii lithike hempa? Ehupitho hendi olutenga twe li heelwa kuMuhona, okudha mpoka hali kolekwa kumbave lityaa muye, have tu heele okutya otjatjili.

2 Petrus 2:9

Iya Muhona u tji i hiaa thele okuhupitha ovavyuuki momaudheu. Mbahave thi ovavyuuki me ve takametha, he ve yumaneke katee metango lyekoyo.

2 Petrus 3:7

Eulu nohi mbii li po napano vya kalekwa po kondaka ndjoka yaKalunga, opo mavi ka han̯aunwa po nomulilo. Eulu nohi vya ungulilwa etango ndyoka, mbahave na ko natja naKalunga, himava ka koywa, hava han̯aunwa po.

1 Johannes 4:17

Iya nyahoka ohole ye yula munt̯e, opo tu kale neliun̯iko metango lyekoyo, mena lyokutya ngaye hiee li, nant̯e wo otjo tu li mouye hembu.

Eholololo 20:11

Mba mona otjipunditumino otjinene otjipembadhi nangwaa li aa kala ko pohi. Ohi neulu vye mu inkola, kavi ka monekele mo uke.

Eholololo 20:12

Mba mona ovat̯e ovanene novanunu mbava kulama kotjipala tjotjipunditumino. Iya omambo a li aa t̯imunwa. Embo ekwawo ndyoka ndyaa li embo lyomwenyo lya li alya t̯imunwa. Ovat̯e va koyelwa ovipuka ngahi vya sonekwa momambo novilinga vyawo.