Mateus 11:1 - Etestamende Epe Moludhimba

¹ Iya Jesus hiaa mana okuheela ovalongwa ve omulongo navavali ovitumino hembi, wa dha po mpoka, ha ka longa, ye ha ka teetha modhondolopa dhawo.

Mateus 11:1 Iomraidhean Croise

Mateus 28:20

n̯e mu ve longe okutakametha ovipuka avihe mbimbe mu longa. Iya taa tuutuu, ame ndji li pamo nan̯e omatango aehe katee pehulilo lyouye.”

Mateus 4:23

Jesus wa endaenda moGalilea atjihe, ha longo ovantu modhosinagoga dhawo, ha teetha ondaka ombwa yotjilongo tjaKalunga, ha velula omitjithi avihe nomauvela aehe mokati kovantu.

Mateus 7:28

Iya Jesus hiaa mana okupopya odhondaka hendhi, owingi wovantu we kuminwa elongo lye,

Mateus 9:35

Jesus wa endaenda modhondolopa adhihe nomoulongo auhe. Wa longa ovantu modhosinagoga dhawo, ha teetha ondaka ombwa yotjilongo tjaKalunga. Wa velula omutjithi auhe nouvela auhe.

Markus 6:12

Wo va ya, hava ka teetha okutya ovantu ngave liteyulule.

Lukas 23:5

Iya wo va tetha vala ombata hava tyaa: “Ma hongaetha ovantu nelongo lye okudha koGalilea nomoJudea atjihe katee hempa.”

Lukas 8:1

Okudha mpoka Jesus wa endaenda modhondolopa nomoulongo, otjo ma teetha ondaka ombwa yotjilongo tjaKalunga. Ye wa li pamo novalongwa ve omulongo navavali,

Johannes 15:10

Andaa mamu takametha ovitumino vyandje, mamu kala mohole yandje, ngaame himba takametha ovitumino vyaTate, me kala mohole ye.

Johannes 15:14

N̯e mumapanga andje, andaa mamu ningi soka hime mu heele.

Ovilinga 1:2

katee ketango hiaa twalwa meulu. Iya tainkolo héya twalwa meulu, ovayapostoli mboka Jesus mbaa holowola, we ve pa omailikin̯o kodhonkono dhOmbepo Ondhilikwa.

Ovilinga 10:38

N̯e mwa iwa okutya Jesus waNasaret, Kalunga we mu pa Ombepo Ondhilikwa nodhonkono. Jesus wa endaenda apehe, wa undapa ouwa, ye ha velula avehe mbava li kohi yodhonkono dhaSatana, mena lyokutya Kalunga wa li puye.

Ovilinga 10:42

Kalunga we tu heela tu teethele ovantu avehe ondaka ombwa noku ve hipululila Jesus okutya wa holowolwa kuKalunga, a koye ovanamwenyo novat̯e.

1 Ovatessalonika 4:2

Omapukululo ngatwe mu heela mena lyaMuhona Jesus mu e i.

2 Ovatessalonika 3:10

Hitwa li pamo nan̯e, twe mu heelele okutyaa: “Nguhama hala okuundapa, há li.”

2 Ovatessalonika 3:6

Vakwetu, matu mu heele mena lyaMuhona Jesus Kristus. Kalen̯i kokule novantu mboka mbahava hala okuundapa, wo mbahava tee hitu mu longa.

1 Timoteus 6:14

kambulitha otjitumino hehi, kala awa kohoka, hó kala nombedhi katee etango ndyoka Muhona wetu Jesus Kristus ma ka hololoka.