Mateus 10:18 - Etestamende Epe Moludhimba

¹⁸ Iya mena lyokutya muvalongwa vandje mave ke mu twala kovatumini nokodhohamba, mu ninge odhombangi dhokuntjipulula kuwo nokoviwan̯a.

Mateus 10:18 Iomraidhean Croise

Mateus 10:17

Lungamenen̯i ovantu, mave ke mu yandja kovyoongi vyovanene, have ke mu tonena modhosinagoga dhawo nodhosokoti.

Mateus 10:19

Iya himave ke mu yandja kovatumini, hámu kala notjiho okutya mamu tya vi ne mamu popi vi, mena lyokutya mamu ka pewa powola yatjo ndjoka soka himwa thele okupopya.

Mateus 8:4

Iya Jesus we mu heela ha tyaa: “Taa tuutuu, hó tji heele omuntu noumo. Iya enda, u ke liyulikithe komuyambethi, ove u ka yandje otjali kotempeli ngaMoses hiaa heele, tji ve ningile oumbangi okutya ove wa veluka.”

Markus 13:9

“Iya lilungamenen̯i n̯e ovene. Ovantu mave ke mu yandja kovyoongi vyovanene, mamu ka tonenwa modhosinagoga, iya mamu ka twalwa kovipala vyovatumini novyodhohamba mena lyandje, mu ninge odhombangi dhokuntjipulula kuwo.

2 Timoteus 1:8

Hó t̯a ohon̯i okuhipulula Muhona wetu, naame ngumba kambulwa mena lye, hó nt̯a ohon̯i. Hepa pamo naame mena lyokuteetha ondaka ombwa, Kalunga ngahi me ku pa odhonkono oku tji ninga.

Eholololo 1:9

Aame Johannes omukwen̯i, ngundji na oukumo umo nan̯e muJesus mokulikambulithila, moudheu nomotjilongo tje. Mba li kompanga ndjii tiwa oPatmos, mena lyokutya mba teetha odhondaka dhaKalunga, ame he hipulula Jesus.

Eholololo 11:7

Ava mana okupopya oumbangi wawo, okutya otjithitu himatji dhi menkomototo matji ke ve lwitha, hatji ve ton̯a, hatji ve dhipaa.

Eholololo 6:9

Ondjona hiya kakula ko otjilimbo otjityatano, mba mona kohi yotjiyambelo omienyo vyovantu mbava dhipawa mena lyodhondaka dhaKalunga nomena lyoumbangi wawo hiva kala ovakambulithi.