Mateus 10:15 - Etestamende Epe Moludhimba

¹⁵ Ame me mu heele otjatjili okutya otjilongo tjaSodom notjaGomorra mavi ka kala hahe okupon̯a ondolopa ndjoka metango lyekoyo.

Mateus 10:15 Iomraidhean Croise

Mateus 12:36

“Iya me mu heele okutya ondaka aihe, ndjihai na otjilinga, ovantu ndjimava popi mave ke i pulwa etango lyekoyo.

Mateus 5:18

Iya me mu heele otjatjili okutya tainkolo eulu nohi háviya hula, moveta kaamu keka ondanda noimo ne okankwanyu, tainkolo avihe háviya hwithilwa po.

Mateus 7:22

Metango ndyoka ovengi mava ka ntjeela amava tyaa: ‘Muhona, Muhona, hant̯e twa teethele mena lyoye, twa ta mo odhondemoni mena lyoye, hatu undapa ovilingankono ovingi mena lyoye?’

Markus 6:11

Andaa pe na mpoka mpahamamu tambulwa ne mpahamamu teelelwa, dhen̯i po, n̯e mu lipupule ombuma kodhompadhi dhen̯i, opo tji ve ningile oumbangi woku ve pa ombedhi.”

Johannes 12:48

Nguhama ntambula, ye kaa tambula odhondaka dhandje, u na omukoyi ngume mu koyo. Odhondaka ndhoka ndhimba popya, odho madhi ke mu koya etango lyathiinina.

Johannes 6:39

Ehalo lyahengu ngwaa ntuma hoolyondi okutya ahame keketha noumo owomovantu mboka avehe Tate mbaa mpa, iya ndji ke ve imune kout̯e avehe metango lyathiinina.

Johannes 6:40

Iya ehalo lyaTate hoolyondi okutya auhe ngoka nguma mono Omuna, ha itavele muye, ma kala nomwenyo waapehe, ame me ke mu imuna metango lyathiinina.”

Ovilinga 17:31

Iya ye wa twaa po etango hima ka koya ouye pauvyuuki, me ke u koyetha omulumentu ngoka ngwaa holowola. Ye wa yulikila ovantu avehe otjipuka hehi poluhandja, hiaa imuna omulumentu ngoka kout̯e.”

1 Ovakorinto 3:13

otjilinga tje matji ka yulikwa okutya tji li vi, mena lyokutya etango ndyoka lyaMuhona otjilinga tje mali ke tji eta poluhandja. Matji ka holololwa nomulilo, omulilo owo mau tala okutya otjilinga tjomuntu auhe tja kola mpape lithike pi.

1 Ovatessalonika 5:4

Iya vakwetu, kamu li met̯iku, etango ndyoka opo háli mu vadha ngotjimpulu.

Ovaheberi 10:25

Hátu yetha okwoongana pamo, ngavamo hiva yetha okwoongana pamo. Iya ngatu livandhipaleke, unene hitu lwete etango lyaMuhona himali hweene popedhi.

2 Petrus 2:6

Wa han̯auna po ovitungwalongo mbyoka Sodom naGomorra, he vi hike po, havi ile omuto. Wa yulikila mbahave na ko natja naKalunga, himava ka ningilwa.

2 Petrus 2:9

Iya Muhona u tji i hiaa thele okuhupitha ovavyuuki momaudheu. Mbahave thi ovavyuuki me ve takametha, he ve yumaneke katee metango lyekoyo.

2 Petrus 3:7

Eulu nohi mbii li po napano vya kalekwa po kondaka ndjoka yaKalunga, opo mavi ka han̯aunwa po nomulilo. Eulu nohi vya ungulilwa etango ndyoka, mbahave na ko natja naKalunga, himava ka koywa, hava han̯aunwa po.

1 Johannes 4:17

Iya nyahoka ohole ye yula munt̯e, opo tu kale neliun̯iko metango lyekoyo, mena lyokutya ngaye hiee li, nant̯e wo otjo tu li mouye hembu.

Judas 1:6

Ovaengeli mboka mbahava kambulithile oulombe wawo, hava thii po omalukalo awo, Muhona we ve yedhilila met̯iku, modhonkuto dhaapehe, va takamethwe katee ketango ndyoka enene lyekoyo.

Judas 1:7

NgaSodom naGomorra novitungwalongo mbyaa li onkondoloka navyo, ovantu mboka va li movihulo ngovaengeli hembenya, va puka, hava landula omahalo omalutu awo, modhonkalo ndhihadhi thi dhountu. Iya va yumanekwa nomulilo waapehe, tji kale elondolo kovantu avehe.