Mateus 10:1 - Etestamende Epe Moludhimba

¹ Jesus wa ithana ovalongwa ve omulongo navavali, he ve pa odhonkono okuta mo odhombepo odhombi, nokuvelula omutjithi auhe nouvela auhe.

Mateus 10:1 Iomraidhean Croise

Mateus 19:28

Jesus we ve heela ha tyaa: “Ame me mu heele otjatjili okutya Omuna wOmuntu hima ka kala pohi kotjipunditumino tjetumbalo lye mouye mbumau ya, nan̯e wo mbamwa ndandula mamu ka kala pohi kovipunditumino omulongo navivali okukoya omaanda omulongo naavali aIsrael.

Mateus 26:20

Iya okawiiwii hika wile pohi, Jesus wa kala pohi, hava li novalongwa ve omulongo navavali.

Mateus 26:47

Iya taa tuutuu, Jesus tainkolo a li ama popi, Judas, umo owomuhemba omulongo navavali, we ya nengundwa enene lyovantu ndii na omikonda nodhonkunye, va tumwa okudha kovayambethi ovanene nokovanene wotjiwan̯a.

Mateus 4:23

Jesus wa endaenda moGalilea atjihe, ha longo ovantu modhosinagoga dhawo, ha teetha ondaka ombwa yotjilongo tjaKalunga, ha velula omitjithi avihe nomauvela aehe mokati kovantu.

Mateus 6:13

Hó tu twala momatyoletho, iya tu hupitha mouvi. [Mena lyokutya otjilongo otjoye, nodhonkono odhoye netumbalo olyoye apehe katee apehe. Amen.]’

Mateus 9:35

Jesus wa endaenda modhondolopa adhihe nomoulongo auhe. Wa longa ovantu modhosinagoga dhawo, ha teetha ondaka ombwa yotjilongo tjaKalunga. Wa velula omutjithi auhe nouvela auhe.

Mateus 9:38

Iya kumben̯i, omwene wovilya a tume ovaundapi keteyo lyovilya vye.”

Lukas 10:19

N̯e me mu pa odhonkono okulyata odhonyoka nodhonge nokutumina odhonkono adhihe dhaSatana, ko kaku na tja soka himatji mu ihameke.

Lukas 21:15

Iya ame me ke mu pa himamu ka popya, nounongo mboka mbuhamau ulu okutethwa ombata, odhondjedhi dhen̯i adhihe madhi ka anyenwa oku mu yaka ne oku mu tetha ombata.

Lukas 24:49

Ame omwene me mu tumine soka hitja udhikwa kuTate. Iya n̯e mwa thele okukala motjitungwalongo hemu, katee mamu dhalekwa odhonkono ndhimadhi ka dha kombanda.”

Lukas 6:13

Hikwa tji, wa ithana ovalongwa ve, ha holowola mo omulongo navavali, he ve luku ovayapostoli:

Johannes 17:2

Ngahi we mu pa odhonkono okutumina ovantu avehe, opo a yandje omwenyo waapehe kuwo avehe mboka mbawe mu pa.

Johannes 3:27

Johannes wa yaka ha tyaa: “Omuntu kaa ulu okuliithila otjipuka, nkwai oKalunga me mu pa tjo.

Johannes 3:35

Ihe u hole Omuna, we mu pa ovipuka avihe momawoko e.

Johannes 6:70

Jesus we ve yaka ha tyaa: “Hí mu holowolele omulongo navavali? Iya nandaku tiwa otjo nyahoka, umo owomun̯e omudiapoli.”

Ovilinga 1:8

Iya n̯e mamu ka pewa odhonkono katango Ombepo Ondhilikwa himai ya mun̯e, iya n̯e mamu ka ila odhombangi dhandje moJerusalem nomoJudea atjihe nomoSamaria katee mouye auhe.”

Ovilinga 19:15

Ombepo ombi ye ve yaka hai tyaa: “Jesus ndji mu i, naPaulus mbe mu tyaa. Iya n̯e, on̯e oowaan̯i?”

Eholololo 12:1

Meulu mwa moneka etangan̯eko enene. Mwa li omukadhintu ngwaa dhala etango, nomwedhi kohi yodhompadhi dhe, nokomutwe we wa li nohala yodhonyothi omulongo nambali.