Lukas 9:1 - Etestamende Epe Moludhimba

¹ Jesus wa ithanena ovalongwa omulongo navavali pamo, we ve pa odhonkono netumino okutumina odhondemoni adhihe nokuvelula omitjithi.

Lukas 9:1 Iomraidhean Croise

Mateus 16:19

Iya me ke ku pa odhosapi dhotjilongo tjeulu, atjihe himo kutu kombanda yohi, nomeulu matji ka kutwa, himo kutulula kombanda yohi, nomeulu matji ka kutululwa.”

Mateus 4:24

Etumbuko lye lya handjana motjilongo tjaSiria atjihe. Ovantu ve mu etela ovavedhi avehe mbava li nomauvela ngae lili nangae lili noviihamo, nahemba mbava li nodhondemoni, nowovintonya, nambava vela otjinteya, avehe he ve velula.

Mateus 8:9

Iya ame naame wo ndjimuntu omutuminwa, ndji na ovakwavita mbave li kohi yandje. Ndji heela omuntu he tyaa: ‘Enda,’ ye ha i, nomukwawo he tyaa: ‘Indjo,’ ye he ya, nomupika wandje ndji mu heela he tyaa: ‘Undapa otjontumba,’ he tji undapa.”

Lukas 10:1

Kon̯ima yovipuka mbyoka Muhona wa holowola uke ovalongwa omilongo epanduvali navavali, he ve tumu vavali navavali, va tenge komeho kondolopa aihe nopoluvedhe mpoka omwene mpaa li ama hala okuya.

Lukas 10:19

N̯e me mu pa odhonkono okulyata odhonyoka nodhonge nokutumina odhonkono adhihe dhaSatana, ko kaku na tja soka himatji mu ihameke.

Johannes 14:12

Ame me mu heele otjatjili okutya ngoka ngwaa itavele mwaame, oye ma ka undapa uke ovilinga ovinene mbyaa pon̯a mbyoka, mena lyokutya ame me i kuTate.

Ovilinga 1:8

Iya n̯e mamu ka pewa odhonkono katango Ombepo Ondhilikwa himai ya mun̯e, iya n̯e mamu ka ila odhombangi dhandje moJerusalem nomoJudea atjihe nomoSamaria katee mouye auhe.”

Ovilinga 3:16

Iya ena hendi ndyaa itavela, lya koleke omulumentu hengu ngumu lwete, ngumu i, neitavelo ndyoka muJesus lya velula omulumentu hengu movipathi vyen̯i.

Ovilinga 4:30

Yela okuwoko kwoye okuvelula ovavedhi, ove u undape ovilingatangan̯eko novilingakumithi mena lyaJesus, omuntu woye omudhilikwa.”

Ovilinga 9:34

Petrus we mu heela ha tyaa: “Eneas, Jesus Kristus me ku velula. Imuka po, u ninge nawa oviyalo vyoye.” Eneas wa imuka po dhivadhiva.