Lukas 8:28 - Etestamende Epe Moludhimba

²⁸ Hiaa mono Jesus, wa yadhuluka, he liyeme po podhompadhi dhe, wa popya peulu ha tyaa: “Mo ntjalele tji, Jesus OmunwaKalunga Owokombandambanda? Me ku kumbu, hó ntatetha,”

Lukas 8:28 Iomraidhean Croise

Mateus 8:29

Iya va wololoka hava tyaa: “Jesus OmunwaKalunga, mo tu halele tji? We ya huno oku tu tatetha, tainkolo otembu háiye thika?”

Lukas 8:27

Jesus hiaa dhi mo mowato, omulumentu umo womondolopa ndjoka ngwaa li nodhondemoni wa wanena naye. Wa vadhwa aa ninga oluvedhe olule aha dhala omidhalo, ye ka kala monganda, u kala modhombila dhomaleva.

Lukas 8:29

mena lyokutya Jesus wa li ama hala okuheela ombepo ombi, i dhe mo momuntu hengu, mena lyokutya ya ninga omatango omengi amai mu pumbaula, atjaa wa kutilwe nomalyenge povit̯iho nopodhongunyu, ye ha lalelwa. Odhonkuto we dhi kopola, ha dhamaukithwa mokuti kondemoni.

Jakob 2:19

Ove wa itavela okutya Kalunga yuumo, iinga wa ninga nawa, iya nodhondemoni dhe tji itavela, dhi teketa.

2 Petrus 2:4

Iya Kalunga ka yethele ovaengeli mboka mbava lundha, we ve yumaneka, he ve yumbu menkomototo ava kutwa nomalyenge, va takamethwe katee ketango lyekoyo.

1 Johannes 3:8

Nguma lundha owomudiapoli, mena lyokutya omudiapoli wa lundha okudha peutilo. Iya OmunwaKalunga we ya a han̯aune po ovilinga vyomudiapoli.

Eholololo 20:10

Omudiapoli ngwee ve pukitha, wa yumbwa melunga lyomulilo nosulfuri, mumu na otjithitu nomuprofeti wovithithi. Mava ka ihamekwa omutenya nout̯iku apehe katee apehe.