Lukas 8:16 - Etestamende Epe Moludhimba

¹⁶ “Kaku na tja ngoka nguu ten̯a olamba, ye he i t̯imike notjihayo ne he i twaa kohi yomutala. Iya me i twaa kotjituliko, ovantu mbamave ya mo opo va mone otjiten̯i.

Lukas 8:16 Iomraidhean Croise

Lukas 11:33

“Kaku na tja omuntu nguu ten̯a olamba, he i twaa motjitholito ne kohi yotjihayo. Iya me i twaa kotjituliko, ovantu mbamave ya mo, opo va mone otjiten̯i.

Lukas 8:15

Ndhoka ndhaa kunwa pohi ombwa, dhi ngala ovantu mboka mbamava tee odhondaka dhaKalunga, wo have dhi takametha nomitima omiwa mbihavi na ovithithi, mava eta ouwa mokutakametha kwawo.

Ovilinga 26:18

okupathumuna omeho awo, opo va dhe mo met̯iku, ve ye motjiten̯i, wo va thiee po etumino lyaSatana, ve ye kuKalunga. Iya ava ndjitavele, mava pewa eithepo lyodhonkali noumpinga pamo novantu ovadhilikwa vaKalunga.’

Eholololo 1:20

Otjiholekwa tjodhonyothi ndhoka epanduvali ndhiwa mono mokuwoko kwandje kwokokulyo novituliko vyodholamba vyotjingoldo epanduvali matji tya hinyahi: Odhonyothi epanduvali ovaengeli womaongalo epanduvali, novituliko vyodholamba epanduvali omaongalo epanduvali.

Eholololo 11:4

Odhombangi mbali odho dhi li omiholivi vivali novituliko vivali vyodholamba ndhaa kulama kotjipala tjaMuhona omwene wohi.