Lukas 8:15 - Etestamende Epe Moludhimba

¹⁵ Ndhoka ndhaa kunwa pohi ombwa, dhi ngala ovantu mboka mbamava tee odhondaka dhaKalunga, wo have dhi takametha nomitima omiwa mbihavi na ovithithi, mava eta ouwa mokutakametha kwawo.

Lukas 8:15 Iomraidhean Croise

Mateus 24:13

Iya ngume likambulithile katee pehulilo, ma ka hupithwa.

Lukas 11:28

Jesus wa yaka ha tyaa: “Otjatjili, ovanalao owomboka mbamava tee odhondaka dhaKalunga, wo have dhi takametha.”

Lukas 6:45

Omuntu omuwa u hololola ouwa mbumau dhi momutima we omuwa, nomuntu omuvi u hololola ovipuka vye ovivi, mena lyokutya otjinyo tji popya hitje yula momutima.

Lukas 8:14

Ndhoka ndhaa wila modhohongo, dhi ngala ovantu mboka mbamava tee odhondaka dhaKalunga, atjaa hava thin̯wa koviho nokomauhona nokomahuluko onkalamwenyo hendji, iya kave na hiva eta po.

Lukas 8:16

“Kaku na tja ngoka nguu ten̯a olamba, ye he i t̯imike notjihayo ne he i twaa kohi yomutala. Iya me i twaa kotjituliko, ovantu mbamave ya mo opo va mone otjiten̯i.

Johannes 14:15

“Andaa mu ntjole, mamu takametha ovitumino vyandje.

Johannes 15:10

Andaa mamu takametha ovitumino vyandje, mamu kala mohole yandje, ngaame himba takametha ovitumino vyaTate, me kala mohole ye.

Ovaroma 2:7

Ovantu mboka mbave likambulithila okuundapa ouwa, okukondjela elaimo lyaKalunga, etumbalo nomwenyo mbuhau anda, Kalunga me ke ve pa omwenyo waapehe.

Ovaroma 6:22

Iya napano mwa kutululwa moulundhi, mwa ila ovapika vaKalunga. Ouwa mbumamu mono monkalamwenyo yen̯i hoowombu okutya mwa ila ovadhilikwa, komaandelo mamu ka mona omwenyo waapehe.

Ovaroma 7:18

Ndji tji i okutya mwaame, mountu wandje kamu na tja ouwa nokanunu. Ehalo lyokuundapa ouwa ndji na lyo, atjaa odhonkono dhoku tji ninga, hí na dho.

Ovaroma 7:4

Vakwetu, nan̯e wo moveta mwa dha mo, mena lyokutya muun̯ipo wolutu lwaKristus. Napano tuvahengu ngwaa imunwa kout̯e, opo tu undapele Kalunga otjilinga otjiwa.

Ovaroma 8:25

Iya andaa matu kevelele hihatu lwete, matu tji kevelele amatu likambulithile.

1 Ovakorinto 7:19

Okupita etanda nahó pitile etanda hatjo tji na otjilinga. Hitji na otjilinga okutyaa kovitumino vyaKalunga.

Ovaefeso 2:8

Iya mwa hupithwa ket̯ilonkenda meitavelo. Ehupitho hendi mwe li pewa otjali kuKalunga, kaamu ulu okuliundapela lyo ovene.

Ovafilippi 1:11

Iya mamu yulithwa ovinyango vyouvyuuki muJesus Kristus okutumbaleketha nokuhivilikitha Kalunga.

Ovakolossa 1:10

okweenda kwen̯i opo ku thevelwe Muhona, mu ninge himatji hulukitha Muhona apehe. Ovilinga vyonkalamwenyo yen̯i avihe mavi ka kala oviwa, okwiiwa kwen̯i Kalunga, maku ile okunene.

Ovakolossa 1:6

ndjee ya kun̯e. Ondaka ombwa mai eta elao, hai handjana wo nouye auhe nawanawa ngahi ya handjana mokati ken̯i okudha ketango ndyoka himwe i tyaa, n̯e hamu iwa et̯ilonkenda lyaKalunga ngahi li li tjatjili,

Ovaheberi 10:36

Mamu hepa okulikambulithila, opo mu hwithile po ehalo lyaKalunga, n̯e mu pewe soka hiee mu udhikila.

Ovaheberi 2:1

Iya twa thele okulitwaa mo unene musoka hitu yuvite, opo hátu i novithithi.

Jakob 1:4

Elikambulithilo ngali kale notjilinga hitja hulu, opo mu hwile po, ahamamu kala amu na himwa hepa.

1 Johannes 2:3

Iya andaa matu takametha ovitumino vyaKalunga, okutya nyahoka tu tji i okutya tu mu i.