Lukas 8:13 - Etestamende Epe Moludhimba

¹³ Ndhoka ndhaa wila pontantalahi, dhi ngala ovantu mboka mbamava tee odhondaka dhaKalunga, have dhi tambula nehuluko, atjaa wo ahamadhi ve hiti, mava itavele vala pokaluvedhe, iya moluvedhe lwomatyoletho mave dhi yetha.

Lukas 8:13 Iomraidhean Croise

Markus 6:20

Herodes wa li aa tila Johannes, mena lyokutya wa li ae mu i okutya omulumentu omuvyuuki ye omudhilikwa, iya we mu amena. Wa li ae hole oku mu teelela, nandaku tiwa moku mu teelela u mu kulungitha omutima.

Lukas 8:12

Odhombuma ndhoka ndhaa wila pontyo yondjila, ovantu mboka mbava tyaa odhondaka dhaKalunga, atjaa tainkolo mave dhi teelele, dhivadhiva omudiapoli he ya, ha itha mo odhondaka ndhoka ndhii li momitima vyawo, opo háva itavele, wo ahamava hupithwa.

Lukas 8:14

Ndhoka ndhaa wila modhohongo, dhi ngala ovantu mboka mbamava tee odhondaka dhaKalunga, atjaa hava thin̯wa koviho nokomauhona nokomahuluko onkalamwenyo hendji, iya kave na hiva eta po.

Johannes 15:2

Ye ma tete ko ontai aihe kwaame ndjihamai ma ovinyango, iya ontai aihe ndjimai ma, me i thevethwa, i me ovinyango ovingi.

Johannes 15:6

Nguhama kala mwaame, ma yekelwahi ngontai, ha kukuta. Odhontai madhi ongedhwa, hadhi yumbwa momulilo, hadhi pi.

Johannes 5:35

Johannes wa li olamba ndjaa tema, hai tungatele, iya n̯e mwa halele okuhulukilwa motjiten̯i tje okaluvedhe okathupi vala.

1 Ovakorinto 13:2

Ame nande kala andji na otjali tjokupopya etumwalaka lyaKalunga, he kala nounongo wokwiiwa oviholekwa avihe ne he kala andji na eitavelo ndimali ulu okudhikula po ondundu, atjaa nan̯i hí na tja ohole, okutya aame otjipuka vala.

1 Ovakorinto 15:2

Mwa hupithwa kondaka hendji ombwa ndjimbe mu teethela, andaa mwe i kambulitha, nkwai amwa itavele vala nyahoka.

Ovagalati 3:1

Vagalati n̯e ovahima! Aan̯i ngwee mu uvalaleka? Ame mbe mu thitululila nawa Jesus Kristus hiaa t̯a komutjaakano.

Ovagalati 3:4

Iya nan̯i mwe litwiila tji vala momaudheu omengi, andaa nan̯i okuliulithwa vala?

Ovaefeso 3:17

Kristus opo a kale momitima vyen̯i mena lyeitavelo, mwa twikwa, n̯e mwa twama mohole,

Ovakolossa 1:23

andaa mamu kala meitavelo mumwa kulama, mumwa kola, hámu ithwa mo mekevelelo lyondaka ombwa ndjimwa tyaa, ndjaa teethelwa ovantu avehe mouye. Iya ame Paulus mba ila omuteethi wondaka ndjoka.

Ovakolossa 2:7

Twamen̯i muye, n̯e mu litungile muye, mu likolethele meitavelo, ngahi mwa longwa, n̯e mu kale nompandu unene.

1 Ovatessalonika 3:5

Ame hí tji ulile okulikambulithila, opo mba dha okutuma Timoteus e ye a tale eitavelo lyen̯i, pamo omutyolethi we mu tyoletha, ovilinga vyetu vya yonaka.

1 Timoteus 1:19

Kambulitha eitavelo lyoye u kale nelityoo ewa. Ovantu vamo kava pungulula ouwa nouvi, eitavelo lyawo opo lya dha okulundhaka.

Ovaheberi 10:39

Iya nt̯e katu ngala ovantu mboka mbava tjuna mon̯ima, va ka keke, iya matu itavele, omienyo vyetu vi hupithwe.

Jakob 2:26

Iya olutu ahalu na tja omwenyo, lwa t̯a, iya neitavelo wo ahali na tja ovilinga, lya t̯a.

2 Petrus 2:20

Iya andaa ovantu mboka mbava inkola ouvi wouye, hiva iwa Muhona wetu, Omuhupithi, Jesus Kristus, ava tjuna uke mouvi, ouye hau ve pon̯a odhonkono, ehulilo lyawo mali ka kala evi okupon̯a olutenga.

2 Petrus 2:22

Himatji ve vadha matji yulike okutya eeli hendi olyatjatjili ndimali tyaa: “Ombwa ya tjuna konkungo.” Eeli ekwawo mali tya uke: “Ongulu ndjaa ombo aya kohwa, mai alangata uke montata.”

1 Johannes 2:19

Ovantu hemba va dha mokati ketu, atjaa kava li owoyetu. Iya ngaile va li owoyetu, ngai va kala punt̯e. Iya napano tje liyulike okutya haavehe owoyetu.

Judas 1:12

Ovantu hemba povikulya vyen̯i vyoukumo va t̯itha ohon̯i, va ngala va tunda, ve litekula vala ovene, va ngala omakaka ngaa ithwa ko kombepo ngahae na tja ombula. Wo va ngala omiti vyopompepela mbihavi na ovinyango, mbyaa dhoolwa mo nomidhi vyavyo, havi t̯i.