Lukas 8:10 - Etestamende Epe Moludhimba

¹⁰ Jesus we ve yaka ha tyaa: “N̯e mwa pewa okwiiwa oviholekwa vyotjilongo tjaKalunga, iya mbenya va heelwa momaeli, mena lyokutya nandava tala, kave ku mono, nandava teelele, kava tee, wo kave yuvite.”

Lukas 8:10 Iomraidhean Croise

Mateus 11:25

Potembu ndjoka Jesus wa yaka ha tyaa: “Taa, Muhona weulu nowohi, me ku hivilike, mena lyokutya ovipuka hembi we vi holeka ovanongo novanadhondunge, ho vi holololele mboka mbava ngala odhondele.

Mateus 16:17

Jesus we mu yaka ha tyaa: “Simon yaJona, umunalao, mena lyokutya hamuntu e ku holololele soka, iya oTate nguu li meulu.

Markus 4:11

Ye we ve yaka ha tyaa: “N̯e mwa pewa okwiiwa otjiholekwa tjotjilongo tjaKalunga, iya mboka owopondje, atjihe mave tji pewa momaeli,

Markus 4:12

opo omisonekwa vi hwithilwe po mbimavi tyaa: ‘Okutala va tala, atjaa kave ku mono. Okutyaa va tyaa, atjaa kave yuvite, opo háve liteyulula, va ithilwe po odhonkali dhawo.’ ”

Johannes 12:40

“Kalunga wa twikitha omeho awo, ye wa kukutika omitima vyawo, omeho awo opo háe ku mono, nomitima vyawo opo hávi koneke, ahamave liteyulula, ndji ve velule.”

Ovaroma 16:25

Kalunga nga tumbalekwe. Ye u na odhonkono oku mu koleka meitavelo pandaka ombwa yandje ndjimba teetha ouhunga naJesus Kristus nopaholololo lyotjiholekwa hitja holekelwe moluvedhe lwalukulu.

1 Ovakorinto 12:11

Iya ovipuka hembi avihe vi undapwa kOmbepo yatjo tuu ndjoka Ondhilikwa ndjii li imo, oyo i yandja komuntu auhe ngahi mai hala.

Ovakolossa 2:2

Me tji ningi, opo ohole i ve kute kumo, va kale nouvandhi okwiiwa ovipuka avihe. Wo mava ka iwa okutya Kristus oye e li otjiholekwa tjaKalunga.

1 Timoteus 3:16

Kape na tja omuntu nguma tetha ombata okutya otjiholekwa tjeitavelo lyetu otjinene: Kalunga we ya molutu, Ombepo ye mu yulika okutya omuvyuuki, wa moneka kovaengeli. Wa teethelwa mokati koviwan̯a, wa itavelwa mouye, ha twalwa meulu.