Lukas 7:39 - Etestamende Epe Moludhimba

³⁹ Omufarisai ngoka ngwee mu ithana, hiee tji mono, we lipopila momutima we ha tyaa: “Nguka ngaile omuprofeti, ngai wa iwa okutya omukadhintu hengu ngwee mu t̯in̯i omutji, ye u li vi, okutya omulundhi.”

Lukas 7:39 Iomraidhean Croise

Mateus 20:16

“Iya owokon̯ima mava ka kala komeho, nowokomeho mava ka kala owokon̯ima, mena lyokutya ovaithanwa ovengi, ovaholowolwa ovanunu.”

Mateus 21:11

Owingi wovantu wa yaka hau tyaa: “Hengu oJesus, omuprofeti owomoNasaret moGalilea.”

Markus 7:21

Iya momutima womuntu omo mu dha omalipulo omavi: Okuhula, oumpulu, okudhipaa,

Lukas 12:17

Ye we lipopila momwenyo we ha tyaa: ‘Me ningi vi, mena lyokutya hí na tja mpoka mpame ungula ovilya vyandje?’

Lukas 15:2

Iya Ovafarisai novalongiveta va ngongota hava tyaa: “Nguka u tambula ovalundhi, ye ha li pamo nawo.”

Lukas 16:3

Omuyungi we lipopila ha tyaa: ‘Me ningi vi, mena lyokutya omuhona wandje ma hala okundjeka okuyunga ovipuka vye? Okulima hí ku ulu, okukopa me t̯i ohon̯i.

Lukas 18:4

Pa pita otembu onde omukoyi ahama hala, iya kon̯ima we lipopila momutima we ha tyaa: ‘Nandaku tiwa hí tila Kalunga, ame hí tumbaleke ovantu,

Lukas 3:8

Iya undapen̯i ovipuka mbimavi yulike okutya mwe liteyulula. Hámu utu okulipopila okutyaa: ‘Tu na tate Abraham.’ Iya me mu heele okutya Kalunga ma ulu okutjitukitha omawe henga, he e ningi oluyumuko lwaAbraham.

Lukas 7:16

Avehe va kambulwa kontilo, hava tumbaleke Kalunga hava tyaa: “Omuprofeti omunene wa hololoka mokati ketu, Kalunga we ya okutala ovantu ve.”

Lukas 7:37

Iya mondolopa moka mwa li omukadhintu umo ngoka ngwaa kala moulundhi. Hiaa tee okutya Jesus u li monganda yOmufarisai ma li, wa eta otjivavelo tjomadhi,

Lukas 7:38

ha hweene kon̯ima yaJesus podhompadhi dhe, ama lili. Wa uta okututika odhompadhi dhaJesus nomihodhi vye, he dhi theta nodhondjutji dhe dhokomutwe. Wa hupita odhompadhi dhaJesus, he dhi vaveke omadhi ngaa pepa.

Lukas 7:40

Jesus we mu yaka ha tyaa: “Simon, ndji na hime hala oku ku heela.” Simon ha tyaa: “Mulongethi, popya.”

Johannes 4:19

Omukadhintu wa yaka ha tyaa: “Taa, ndji ku lwete okutya ove umuprofeti.

Johannes 7:12

Mowingi wovantu mwa li en̯umutulo en̯ingi mena lye. Ovantu vamo va popya hava tyaa: “Omulumentu ngoka omuwa,” iya vamo hava tyaa: “Aai, ma pukitha ovantu.”

Johannes 9:24

Ovafarisai va ithana olutyavali omulumentu ngoka ngwaa li omupot̯i hava tyaa: “Popya otjatjili kotjipala tjaKalunga! Nt̯e tu tji i okutya omulumentu ngoka ngwee ku velula, omulundhi.”