Lukas 7:25 - Etestamende Epe Moludhimba

²⁵ Iya mwa ka talele tji? Mwa ka talele omulumentu ngwaa dhala omidhalo omiwa vyomalesu? Taa tuutuu, mbava dhala omidhalo omiwa, mbave li mouwa, va kala modhombala.

Lukas 7:25 Iomraidhean Croise

Mateus 11:8

Iya mwa ka talele tji? Mwa ka talele omulumentu ngwaa dhala omidhalo omiwa vyomalesu? Taa tuutuu, mbava dhala omidhalo omiwa vyomalesu, va kala modhombala dhodhohamba.

Mateus 3:4

Iya Johannes wa dhalele omudhalo mbwaa undapwa nomaenya odhongamelu nomuvya wotjipa motjivya tje. Ovikulya vye vya li otjimbonde noutji.

Mateus 6:29

Iya ame me mu heele okutya naSalomo metumbalo lye alihe ka dhalele a ngale imo modhontemo ndhoka.

Lukas 16:19

“Kwa li omulumentu omuhona nguu dhala omidhalo vyokalu. Etango alihe u hupa nawa.

Lukas 7:24

Odhontumwa dhaJohannes hidha dhi po, Jesus wa uta okuhipululila owingi wovantu ouhunga naJohannes ha tyaa: “Mokuti mwa ile oku ka tala tji? Onenge ndjimai pukwapukwa kombepo?

Lukas 7:26

Iya mwa ka talele tji? Mwa ka talele omuprofeti? Iinga, me mu heele okutya ye wa pon̯a omuprofeti.