Lukas 6:47 - Etestamende Epe Moludhimba

⁴⁷ Omuntu auhe ngume ya kwaame, ye ha tee odhondaka dhandje, ye he dhi hwithile po, me mu holololele okutya u ngala aan̯i.

Lukas 6:47 Iomraidhean Croise

Mateus 12:50

Iya auhe ngoka nguma hwithile po ehalo lyaTate nguu li meulu, oye e li meme, ye oye e li omunitjandje nompandjandje.”

Mateus 17:5

Petrus tainkolo a li ama popi, pe ya ekaka ndimali laima, hali ve tjikile. Mekaka mwa dha ondaka hai tyaa: “Nguka Omunwandje omuhivilikwa, ngumba hopa, mu tyeen̯i.”

Lukas 11:28

Jesus wa yaka ha tyaa: “Otjatjili, ovanalao owomboka mbamava tee odhondaka dhaKalunga, wo have dhi takametha.”

Lukas 14:26

“Andaa pe na omuntu ngume ya kwaame, ye ahama kala ae yele ina naihe nomukadhintu we novana novakulwe novanitje ovadhantu novakadhona naye omwene wo, kaa ulu okwiila omulongwa wandje.

Lukas 6:48

Ye u ngala omulumentu nguma tha omut̯inda omule katee koluwaa, hakwaa tungila ondjuwo yekuma. Ethundja hilye ya, lye litona mondjuwo ndjoka, ahamai kumauka po, mena lyokutya ya tungwa nawa.

Lukas 8:13

Ndhoka ndhaa wila pontantalahi, dhi ngala ovantu mboka mbamava tee odhondaka dhaKalunga, have dhi tambula nehuluko, atjaa wo ahamadhi ve hiti, mava itavele vala pokaluvedhe, iya moluvedhe lwomatyoletho mave dhi yetha.

Lukas 8:8

Iya dhimo dha wila pohi ombwa, dha mena, ovilya havi kwata ethele.” Jesus hiaa mana okupopya ovipuka hembi, wa popya peulu ha tyaa: “Nguu na omatwi okutyaa, nga tyee!”

Johannes 10:27

Odhondhu dhandje dhi tyaa ondaka yandje, ndji dhi i, dho dhi ndandula.

Johannes 13:17

Ovipuka hembi andaa mu vi i, muvanalao, andaa mamu vi ningi.

Johannes 14:15

“Andaa mu ntjole, mamu takametha ovitumino vyandje.

Johannes 5:40

Iya n̯e kamu halele okuya kwaame, opo mu kale nomwenyo.

Johannes 6:35

Jesus we ve heela ha tyaa: “Aame omungome womwenyo. Ngume ya kwaame kaa t̯a ondjala nokanunu, nangoka nguma itavele mwaame kaa t̯a uke onyota.

Johannes 6:37

Ovantu avehe mboka Tate mbaa mpa, mave ya kwaame. Ame híme ta po noumo ngoka ngume ya kwaame,

Johannes 8:52

Ovajuda ve mu heela hava tyaa: “Napano tu tji i nawa okutya u na ondemoni. Abraham novaprofeti va t̯a, iya ove mo tyaa: ‘Kwalukele ngoka nguma takametha odhondaka dhandje, ke na tja mpama ka lola et̯o katee apehe.’

Ovaheberi 5:9

Ye hiaa hwithilwa po okupwa, wa ila othimo yehupitho lyaapehe yovantu avehe mbamava tee muye.

Jakob 4:17

Iya nguu tji i okutya u tha okuundapa ouwa, atjaa ye ahame u undapa, okutya wa lundha.

1 Petrus 2:4

Indjen̯i kuMuhona, kewe enamwenyo ndyaa yekelwahi kovantu. Kalunga we li holowola, li na otjilinga otjinene.

2 Petrus 1:10

Vakwetu, kondjen̯i unene, koleken̯i eitavelo neholowolo lyen̯i himwa ithanwa kuKalunga, mena lyokutya andaa otjo mamu ningi nyahoka, kaamu putala nokanunu.

1 Johannes 2:29

Andaa mu tji i okutya Kristus omuvyuuki, mu tji i wo okutya auhe ngoka nguma undapa hitja vyuuka, wa yumukwa muKalunga.

1 Johannes 3:7

Vanwandje, hámu pukithwa komuntu noumo. Nguma undapa ouvyuuki omuvyuuki, ngaKristus hiee li omuvyuuki.

Eholololo 22:14

Ovanalao ombava koha omidhalo vyawo, opo va itavelelwe okulya ovinyango vyomuti womwenyo, wo va hite motjitungwalongo amava pitile momivelo.