Lukas 6:23 - Etestamende Epe Moludhimba

²³ Linyandaelen̯i etango ndyoka, n̯e mu lombauke, mena lyokutya ondjambi yen̯i onene meulu. Iya ovipuka ngambyoka owoiheombwale ovyo va ningila ovaprofeti.

Lukas 6:23 Iomraidhean Croise

Mateus 5:12

Linyandaelen̯i, mu hulukwe, mena lyokutya ondjambi yen̯i onene meulu, iya otjo va tatethele ovaprofeti mbava tengele komeho yen̯i.

Lukas 1:41

Elisabet hiaa tee ondaka yaMaria, ompepe medhimo hai nyunguta. Elisabet we yulithwa Ombepo Ondhilikwa,

Lukas 1:44

Mena lyokutya ondaka yoye hiye thiki momatwi andje, edhimo lyandje lya nyunguta kehuluko.

Lukas 6:35

Iya kalen̯i amu hole odhondjedhi dhen̯i, mu ve ningile ouwa, mu ve levalethe n̯e ahamamu kevelele okutjun̯inwa, ondjambi yen̯i mai kala onene, n̯e mamu ka kala odhondele dhaKalunga Owokombandambanda, mena lyokutya ye u na onkenda namboka mbahava pandula novavi.

Ovilinga 14:10

Paulus wa ithana omulumentu otjilema ha tyaa: “Kulama nodhompadhi dhoye!” Omulumentu otjilema wa lomboka, ha utu okweenda.

Ovilinga 3:8

iya ye wa lomboka, ha kulama, ha hiti nawo motempeli, wa enda ama lombauka, otjo ma tanga Kalunga.

Ovilinga 5:41

Ovayapostoli va dha mOtjoongi tjOvanene ave hulukwa, mena lyokutya Kalunga we ve tala okutya va yauka okutatethelwa ena lyaJesus.

Ovaroma 5:3

Hatjo vala soka, iya matu hulukilwa wo omaudheu, hitu tji i okutya moudheu mamu dhi okulikambulithila.

2 Ovakorinto 12:10

Iya nyahoka mbe hulukilwa okukala moungone, momapenyo, movipo, momatatetho nomomaudheu mena lyaKristus. Iya andaa ndjitjingone, okutya nyahoka ndji na odhonkono.

Ovakolossa 1:24

Iya ame napano mbe hulukwa, hime tatethwa mena lyen̯i. Ame me hwithile po nolutu lwandje omaudheu ovipuka mbihavya ningililwe olutu lwaKristus, nduu li eongalo.

2 Timoteus 2:12

Andaa matu likambulithile, matu ka tumina wo pamo naye. Andaa matu litendele ye, naye me ke litendela nt̯e.

Ovaheberi 11:26

Ye wa mona okutya okupenywa mena lyaKristus hahe okupon̯a omauhona aehe omoEgipiti, mena lyokutya ye wa li ae lwete ondjambi ndjima ka pewa komeho.

Ovaheberi 11:6

Kape na tja ngume hulukilwa kuKalunga, andaa ke na tja eitavelo, mena lyokutya nguma hweene puKalunga, wa thele okwiitavela okutya Kalunga oko e li, ye ma thutu mbamave mu taendha.

Jakob 1:2

Vakwetu, litalen̯i okutya muvanalao, andaa mwa vadhwa komatyoletho ngae lili nangae lili.

1 Petrus 4:13

Iya hulukwen̯i, himu na mo tja momatatetho aKristus, opo mu hulukwe n̯e mu lolole, katango wo etumbalo lye mali ka holololwa.

Eholololo 2:17

“Nguu na omatwi, nga tyee Ombepo himai heele omaongalo! “Nguma ton̯a, me mu pa omanna ndjaa holekwa. Me mu pa ewe epembadhi, mewe moka omo me soneke ena epe. Kape na tja omuntu noumo ngume li iwa, kakele vala komuntu ngoka ngume li pewa.

Eholololo 2:26

Nguma ton̯a, ye ha takametha ovilinga vyandje katee pehulilo, me mu pa etumino okutumina oviwan̯a.

Eholololo 2:7

“Nguu na omatwi, nga tyee Ombepo himai heele omaongalo! “Nguma ton̯a, me ke mu pa, a lye komuti womwenyo mbuu li mOparadisa yaKalunga.

Eholololo 21:7

Nguma ton̯a, ma ka pingana ovipuka hembi, ame me ka kala Kalunga ke, ye ma ka kala omunwandje.

Eholololo 3:12

Nguma ton̯a, me mu ningi ongundhi motempeli yaKalunga kandje. Iya ye kaa dhi mo uke. Me mu soneke ena lyaKalunga kandje, nena lyotjitungwalongo tjaKalunga kandje, Jerusalem otjipe, himatji ya pohi okudha meulu kuKalunga. Me ke mu soneka wo ena lyandje epe.

Eholololo 3:5

Nguma ton̯a, ma ka dhalekwa hinyahi omudhalo omupembadhi, nena lye híme li dhimi mo membo lyomwenyo, iya ena lye me li hipulula kotjipala tjaTate nomovipathi vyovaengeli ve.