Lukas 6:22 - Etestamende Epe Moludhimba

²² “N̯e muvanalao, andaa ovantu ve mu yele, have mu pungu mo, wo have mu lalula, nena lyen̯i have li yekelehi, hali ngala evi mena lyOmuna wOmuntu.

Lukas 6:22 Iomraidhean Croise

Mateus 10:18

Iya mena lyokutya muvalongwa vandje mave ke mu twala kovatumini nokodhohamba, mu ninge odhombangi dhokuntjipulula kuwo nokoviwan̯a.

Mateus 10:22

Mamu ka kala amu yelwe kovantu avehe mena lyandje. Iya ngume likambulithile katee pehulilo, ma ka hupithwa.

Mateus 10:39

Ngoka nguma kondjele omwenyo we, me u keketha, nguma keketha omwenyo we mena lyandje, me ke u mona.

Lukas 20:15

Wo ve mu yumba kotjila tjotjuundo, have mu dhipaa. “Iya omwene wotjuundo me ve ningi vi?

Lukas 21:17

Ovantu avehe mava ka kala ave mu yele mena lyandje.

Lukas 6:21

Ovanalao on̯e mboka mbamwa t̯a ondjala napano, mena lyokutya mamu ka kutithwa. Ovanalao on̯e mboka mbamamu lili napano, mena lyokutya mamu ka yola.

Johannes 12:42

Iya ovengi owomovanene va itavela muJesus, iya mena lyOvafarisai kave tji hipululile movipathi vyovantu, opo háva lambwa mo mosinagoga.

Johannes 16:2

Ovanene wOvajuda mave ke mu lamba mo modhosinagoga dhawo. Iya owola mai ke ya, katango auhe ngume mu dhipaa, ma ka soka okutya aa ningi nyahoka, ma undapele Kalunga.

Johannes 17:14

Ame mbe ve pa odhondaka dhoye, nouye mau kala au ve yele, mena lyokutya wo hawomouye, ngaame hihe thi owomouye.

Johannes 7:7

N̯e ouye kaau kala au mu yele, iya ame u ndjele, mena lyokutya me u hipululile okutya ovilinga vyawo ovivi.

Johannes 9:34

Wo ve mu yaka hava tyaa: “Ove wa yumukilwa moulundhi, ho kulile moulundhi, atjaa ove mo tu longo?” Wo ve mu lamba mo mosinagoga.

Ovilinga 22:22

Ovantu katee hempa va teelela soka Paulus hiaa li ama popi. Iya okudha mpoka va uta okuwololoka peulu hava tyaa: “Nga dhipawe! Kaa ulu okukala uke ae na omwenyo!”

Ovilinga 24:5

Iya omulumentu hengu twe mu mona, u ngala ouvela wolutambu nomungwangwaneki mokati kOvajuda avehe mouye auhe. Ye omwene oye e li ohongodhi yopaati yopontyo yOvanasarene.

Ovilinga 9:16

Ame me ke mu yulikila okutya ovihuna mbima ka mona vi lithike pi, mena lyokutumbaleka ena lyandje.”

Jakob 1:12

Omuntu omunalao ongume likambulithile omatyoletho. Iya aa ton̯a omatyoletho, ma ka pewa ohala yomwenyo, hembu Kalunga mbwaa udhikila mboka mbave mu hole.

1 Petrus 3:14

Iya andaa mamu tatethwa, himamu undapa ouwa, n̯e muvanalao. Iya himave mu hongo, hámu tila, n̯e hámu uluma.