Lukas 6:20 - Etestamende Epe Moludhimba

²⁰ Jesus wa yela omeho e kovalongwa ve, ha tyaa: “Ovanalao on̯e ovathona, mena lyokutya otjilongo tjaKalunga otjen̯i.

Lukas 6:20 Iomraidhean Croise

Mateus 11:5

ovapot̯i va twikuluka, ovilema mavi ende, owovilundu va veluka, odhompolo dha thituluka, ovat̯e mava imunwa kout̯e, ovathona mava teethelwa ondaka ombwa.

Mateus 25:34

Iya ohamba mai heele owokokulyo kwe hai tyaa: ‘N̯e ovapewa velao vaTate, indjen̯i mu ka pingane otjilongo tjaKalunga himwa longekedhelwa okudha keuto lyouye.

Mateus 5:1

Jesus hiaa mono owingi wovantu, wa londa kondundu. Iya hiaa kala pohi, ovalongwa ve ve ya kuye.

Lukas 12:32

“Hámu tila, mukangundwa okanunu, mena lyokutya Iho wa mona okutya tji li nawa oku mu pa otjilongo.

Lukas 13:28

Hoka maku ka kala otjililo nelikweyo lyomayoo, himamu ka mona Abraham, Isak naJakob novaprofeti avehe motjilongo tjaKalunga, iya n̯e ovene mamu ka yundulilwa pondje.

Lukas 14:15

Iya umo owomovayenda mbava li amava li pamo naJesus hiaa tee ovipuka mbyoka mbyaa popiwa kuJesus, we mu heela ha tyaa: “Omunalao oye ngoka nguma ka lya omungome motjilongo tjaKalunga.”

Lukas 16:25

“Iya Abraham we mu yaka ha tyaa: ‘Munwandje, thipaluka okutya monkalanwenyo yoye, ove wa pelwe ouwa, tainkolo Lasarus aa vadhwa monkalamwenyo ombi. Napano ye ma tendelekwa hemu, iya ove mo ihamethwa.

Lukas 4:18

“Ombepo yaMuhona i li kombanda yandje, mena lyokutya ye wa ntjolowola ndji ka teethele ovathona ondaka ombwa. Wa ntuma ndji teethele ovakambulwa ekutululo novapot̯i epathumuko, ndji yandje kovatatethwa ekutululo,

Ovilinga 14:22

Paulus naBarnabas va vandhipaleka ovaitaveli va kambulithe eitavelo, hava tyaa: “Olutenga amatu hiti motjilongo tjaKalunga matu pitile momatatetho omengi.”

2 Ovakorinto 6:10

Tu ngala mbatwa etetha onkenda, nandaku tiwa twe hulukwa apehe. Tu ngala ovathona, nandaku tiwa ovengi twe ve ninga ovahona. Tu ngala mbahatu na hitu na tjo, nandaku tiwa tu na ouhona wovipuka avihe.

2 Ovakorinto 8:2

Ovaitaveli nandaku tiwa va li momaudheu omanene, ehuluko lyawo lya li enene. Iya va yandja nomutima omuwa, nandaku tiwa va li nouthona ounene.

2 Ovakorinto 8:9

Iya n̯e mu i et̯ilonkenda lyaJesus Kristus, Muhona wetu, okutya nandaku tiwa wa li omuhona, we lininga omuthona mena lyen̯i, opo mu ile ovahona mena lyoluhepo lwe.

1 Ovatessalonika 1:6

Iya n̯e mwe tu holela, n̯e mwa holela wo Muhona. Nandaku tiwa mwa li moudheu owingi, odhondaka dhaKalunga mwe dhi tambula nehuluko ndimwa pewa kOmbepo Ondhilikwa.

2 Ovatessalonika 1:5

Hehi matji yulike okutya ekoyo lyaKalunga lya vyuuka, iya n̯e mamu thevelwa otjilongo tjaKalunga ngahi mamu tji tatethelwa wo.

Jakob 1:12

Omuntu omunalao ongume likambulithile omatyoletho. Iya aa ton̯a omatyoletho, ma ka pewa ohala yomwenyo, hembu Kalunga mbwaa udhikila mboka mbave mu hole.

Jakob 2:5

Vakwetu ovahivilikwa, teelelen̯i! Kalunga ka holowolele nan̯i mbava talwa mouye okutya ovathona, va ile ovahona meitavelo nodhompinga dhotjilongo tjaKalunga hitja udhikilwa mboka mbave mu hole?

Eholololo 2:9

“Oudheu nouthona woye ndji u i, iya atjaa ove umuhona. Omapenyo ovantu mboka mbave litya Ovajuda, wo háve thi Ovajuda, ndji e i, iya wo osinagoga yaSatana.