Lukas 5:25 - Etestamende Epe Moludhimba

²⁵ Ye wa kulama po dhivadhiva movipathi vyawo, ha itha po otjintali hoka hwaa li aa lala po, ha i konganda ama hivilike Kalunga.

Lukas 5:25 Iomraidhean Croise

Mateus 9:8

Iya owingi wovantu hiwe tji mono, wa li awa tila, hava hivilike Kalunga, ngwaa yandja odhonkono ndhii lithike hempa kovantu.

Markus 2:12

Omuvedhi wotjinteya wa kulama, ha itha po otjiyalo tje, ha i pondje movipathi vyawo avehe. Ovantu avehe ve kumwa, hava hivilike Kalunga hava tyaa: “Otjipuka hitji li nyahi, nkee twa dhile katuye tji mona.”

Lukas 13:13

Wa tendeka omawoko e kuye, dhivadhiva wa vyuukithwa, ha utu okuhivilika Kalunga.

Lukas 18:43

Wa twikuluka vala powola yatjo ndjoka, he mu landula, ye ha tumbaleke Kalunga. Iya ovantu avehe mbave tji mona, va tumbaleka Kalunga.

Lukas 5:13

Jesus wa yela okuwoko kwe, he mu t̯in̯i ha tyaa: “Ame me hala, veluka.” Iya dhivadhiva ouvela wotjilundu wa dha mo muye.

Johannes 9:24

Ovafarisai va ithana olutyavali omulumentu ngoka ngwaa li omupot̯i hava tyaa: “Popya otjatjili kotjipala tjaKalunga! Nt̯e tu tji i okutya omulumentu ngoka ngwee ku velula, omulundhi.”