Lukas 5:24 - Etestamende Epe Moludhimba

²⁴ Iya opo mu kale amu tji i okutya Omuna wOmuntu u na odhonkono kombanda yohi okwiitha po odhonkali,” Jesus wa heela omulumentu wotjinteya ha tyaa: “Ame me ku heele okutya kulama, itha po otjintali tjoye, enda konganda.”

Lukas 5:24 Iomraidhean Croise

Mateus 16:13

Iya Jesus hiee ya motjit̯indwalongo tjaKesarea-Filippi, wa pula ovalongwa ve ha tyaa: “Ovantu va tya Omuna wOmuntu aan̯i?”

Mateus 25:31

“Iya Omuna wOmuntu hime ya metumbalo lye novaengeli ve avehe, ma ka kala pohi kotjipunditumino tjetumbalo lye.

Mateus 26:64

Jesus we mu yaka ha tyaa: “Iinga, otjo ngahi wa popi. Iya ame me mu heele ame tyaa: ‘Okudha ndino mamu ka mona Omuna wOmuntu, aa kala pohi kokulyo kOmunadhonkono, ame ya kombanda yomakaka okeulu.’ ”

Mateus 28:18

Jesus we ya kuwo, he ve heele ha tyaa: “Ame mba pewa etumino alihe meulu nokombanda yohi.

Mateus 4:24

Etumbuko lye lya handjana motjilongo tjaSiria atjihe. Ovantu ve mu etela ovavedhi avehe mbava li nomauvela ngae lili nangae lili noviihamo, nahemba mbava li nodhondemoni, nowovintonya, nambava vela otjinteya, avehe he ve velula.

Mateus 9:6

Iya opo mu kale amu tji i okutya Omuna wOmuntu u na odhonkono kombanda yohi okwiitha po odhonkali,” Jesus wa heela omuvedhi wotjinteya ha tyaa: “Kulama, itha po otjintali tjoye, enda konganda.”

Lukas 5:13

Jesus wa yela okuwoko kwe, he mu t̯in̯i ha tyaa: “Ame me hala, veluka.” Iya dhivadhiva ouvela wotjilundu wa dha mo muye.

Lukas 5:18

Iya taa tuutuu, pe ya ovalumentu mbava tjindi omulumentu kotjintali, nguu na otjinteya. Wo va li amava hala oku mu hititha mo, ve mu laleke po kotjipala tjaJesus.

Lukas 5:23

Hitja puvala otjin̯i, okutya: ‘Odhonkali dhoye dha ithwa po,’ ne okutya: ‘Kulama, enda’?

Lukas 7:14

Wa hweena ko, ha t̯in̯i kotjintali, ovatjindi hava kulama. Jesus ha tyaa: “Mukwe, me ku heele okutya imuka po.”

Lukas 8:54

Jesus we mu kambula mokuwoko, ha popi peulu ha tyaa: “Mukwe, imuka po!”

Johannes 11:43

Hiaa popi odhondaka hendhi, wa popya peulu ha tyaa: “Lasarus, dha mo!”

Johannes 17:2

Ngahi we mu pa odhonkono okutumina ovantu avehe, opo a yandje omwenyo waapehe kuwo avehe mboka mbawe mu pa.

Johannes 3:13

Kape na tja noumo ngwaa londa, ha i meulu kakele kOmuna wOmuntu, ngoka ngwaa dha meulu.”

Johannes 5:27

Ye wa pa Omuna odhonkono dhokukoya, mena lyokutya ye Omuna wOmuntu.

Ovilinga 14:10

Paulus wa ithana omulumentu otjilema ha tyaa: “Kulama nodhompadhi dhoye!” Omulumentu otjilema wa lomboka, ha utu okweenda.

Ovilinga 5:31

Omulumentu hengu Jesus, Kalunga we mu yelela peulu kokulyo kwe, a kale Ohongodhi nOmuhupithi, opo a pe Ovaisraeli oluvedhe lwokuliteyulula, va ithilwe po odhonkali dhawo.

Ovilinga 9:34

Petrus we mu heela ha tyaa: “Eneas, Jesus Kristus me ku velula. Imuka po, u ninge nawa oviyalo vyoye.” Eneas wa imuka po dhivadhiva.

Ovilinga 9:40

Iya Petrus ovantu avehe we ve pititha pondje. Ye wa twika odhongolo, ha kumbu kuKalunga, wa pilulukila kotjivimbi ha tyaa: “Tabita, imuka po.” Tabita wa pathumuka, hiaa mono Petrus, wa imuka po, ha kala pohi.

Eholololo 1:13

Mokati kovituliko vyodholamba mba mona mo umo, nguma ngala Omuna wOmuntu ngwaa dhala omudhalo omule mbwaa tono kodhompadhi, nomuvya wotjingoldo pontulo.