Lukas 4:6 - Etestamende Epe Moludhimba

⁶ ha tyaa: “Etumino hendi alihe netumbalo lyalyo me ku pa lyo, mena lyokutya ame mbe li pewa, me li yandja kungoka ngume hala.

Lukas 4:6 Iomraidhean Croise

Lukas 4:7

Ove andaa mo ntumbaleke, avihe hembi mavi ningi ovyoye.”

Johannes 12:31

Ouye hembu napano mau koywa. Omutumini wouye hembu napano ma ka yumbwa pondje.

Johannes 14:30

Híme popi uke nan̯e olule, mena lyokutya omutumini wouye hembu me ya, atjaa ye ke na tja odhonkono okuntumina.

Johannes 8:44

N̯e mu na iho omudiapoli, mamu hala okuundapa ehalo lyaiho. Ye omudhipai okudha peutilo, ye ke na tja mpoka mpaa li motjatjili, mena lyokutya muye kamu na tja otjatjili. Ama popi ovithithi, u popya ovipuka vye omwene, mena lyokutya ye onkembi, ye oye e li ihe yovithithi avihe.

2 Ovakorinto 11:14

Iya kaatji tu kumitha! Satana naye omwene we litjitula omweengeli wotjiten̯i.

Ovaefeso 2:2

Moluvedhe ndoka mwa landulile ondjila ombi youye hembu, noyomutumini wodhonkono dhodhombepo nguu undapa napano movantu mbahava tee Kalunga.

1 Petrus 1:24

Omusonekwa ngahi mau tyaa: “Ovantu avehe va ngala ehodhi, etumbalo lyawo li ngala olyodhontemo dhehodhi. Ehodhi li kukuta, odhontemo dhi laumuka.

1 Johannes 5:19

Tu tji i okutya nt̯e tuvaKalunga, nouye auhe owometumino lyomunauvi.

Eholololo 12:9

Iya etjithi enene lya yekelwahi, onyoka onkulu ndjii tiwa omudiapoli, ndjii li Satana, omutyolethi wovantu avehe mouye, wa yumbwa kombanda yohi, novaengeli ve va yumbwa kombanda yohi pamo naye.

Eholololo 13:2

Otjithitu himba mona tja li amatji ngala ongwe, omankanya atjo a li amaa ngala ootjinduli, otjinyo tjatjo tja li amatji ngala otjonkeyama. Etjithi lya yandja odhonkono dhalyo, notjipunditumino tjalyo netumino enene kotjithitu.

Eholololo 13:7

Otjithitu tja pewa odhonkono okulwitha ovantu ovadhilikwa tji ve ton̯e. Tja pewa odhonkono okutumina ovantu avehe, omihoko avihe, omalaka aehe noviwan̯a avihe.