Lukas 4:41 - Etestamende Epe Moludhimba

⁴¹ Odhondemoni wo dha dha mo movengi, hadhi wololoka hadhi tyaa: “Oove OmunwaKalunga!” Iya Jesus we dhi anda, ye ke dhi yethele dhi popye, mena lyokutya dha li adhi mu i okutya ye oye e li Messias.

Lukas 4:41 Iomraidhean Croise

Mateus 26:63

Iya Jesus wa nyima vala. Omuyambethi omunene we mu heela ha tyaa: “Me ku anetha Kalunga omunamwenyo. Tu heela andaa oove Messias OmunwaKalunga.”

Mateus 4:3

Omutyolethi we ya kuye, he mu heele ha tyaa: “Andaa oove OmunwaKalunga, heela omawe henga, a tjituke omingome.”

Mateus 8:16

Iya okawiiwii hika wile pohi, ovantu ovengi mbava li nodhondemoni, va etwa kuJesus. Odhombepo odhombi we dhi ta mo nondaka. Ovavedhi avehe we ve velula,

Mateus 8:29

Iya va wololoka hava tyaa: “Jesus OmunwaKalunga, mo tu halele tji? We ya huno oku tu tatetha, tainkolo otembu háiye thika?”

Mateus 8:4

Iya Jesus we mu heela ha tyaa: “Taa tuutuu, hó tji heele omuntu noumo. Iya enda, u ke liyulikithe komuyambethi, ove u ka yandje otjali kotempeli ngaMoses hiaa heele, tji ve ningile oumbangi okutya ove wa veluka.”

Markus 1:25

Jesus wa anda ombepo ha tyaa: “Tutuvala, pita mo muye.”

Markus 1:32

Iya etango hilya hiti, okawiiwii hika wile pohi, ovantu va eta ovavedhi avehe nambava li nodhondemoni.

Markus 1:34

Jesus wa velulile ovavedhi ovengi mbava li nomitjithi mbii lili nambii lili, ha ta mo odhondemoni odhingi. Iya odhondemoni ke dhi yethele dhi popye, mena lyokutya dha li adhi mu i okutya ye aan̯i.

Markus 3:11

Odhombepo odhombi hidhe mu mono, dhe lit̯imika po kotjipala tje, dho hadhi popile peulu hadhi tyaa: “Oove OmunwaKalunga!”

Lukas 4:39

Jesus wa hweena kuye, ha anda elema, lyo hali dhi mo. Inaivi wa kulama po dhivadhiva, he ve twiile po ovikulya.

Johannes 20:31

Iya hembi vya sonekwa, opo mu itavele okutya Jesus oye e li Messias, OmunwaKalunga, andaa mwa itavele muye, mamu kala amu na omwenyo.

Jakob 2:19

Ove wa itavela okutya Kalunga yuumo, iinga wa ninga nawa, iya nodhondemoni dhe tji itavela, dhi teketa.